श्वान मालक त्याचा जर्मन शेफर्ड प्रजातीचा श्वान घेऊन सोसायटी परिसरात आला होता. सोसायटीच्या परिसरात मुलं खेळत होती. तेव्हा अचानकपणे या श्वानाच्या गळ्यातील पट्टा मालकाच्या हातातून निसटला, या निष्काळजीपणानंतर बेफाम सुटलेल्या श्वानाने एका मुलावर हल्ला केला. या हल्ल्यात मुलगा अतिशय जखमी जखमी झाला आहे. या घटनेचा व्हिडिओ सोशल मीडियावर व्हायरल झाल्यानंतर एकच खळबळ उडाली.
Latur Crime : कुटुंबाचा प्रेमसंबंधांना विरोध, MPSC करणाऱ्या तरुणाने नर्स प्रेयसीसह आयुष्य संपवलं, नितीन-राणीचा करुण अंत

कसा केला हल्ला?

सदर घटना शनिवार १८ ऑक्टोबर 2025 रोजी घडली आहे. मुलं सोसायटीच्या परिसरात क्रिकेट खेळत असताना श्वान मालक तिथून जात होता. यावेळी श्वानाने अचानक धाव घेत थेट एका अल्पवयीन मुलावर झडप घातली. हा प्रकार श्वानाच्या मालकासमोरच घडला असून त्याच्या निष्काळजीपणामुळे विशेषतः गळ्यातील पट्टा सुटल्याने ही घटना घडल्याचे स्पष्ट झाले आहे.

दरम्यान, व्हिडिओमध्ये दिसते आहे की, श्वानाच्या गळ्यात पट्टा नसलेला पाहून परिसरात खेळत असलेली मुलं घाबरुन गेली. त्यानंतर त्यांनी धावायला सरुवात केली. तर काहींनी आरडाओरडही केली. त्यानंतर श्वानाने एका मुलाचा पाठलाग करण्यास सुरुवात केली. तो मुलगाही ओरडत पळायला लागला. यावेळी बेलगाम श्वानाने मुलाच्या पायाला चावा घेतला आणि मुलगा जमिनीवर खाली पडला. स्वतःच्या बचावासाठी मुलाने अनेक प्रयत्न केले. त्याने श्वानाला लाथेने दूर करायचा प्रयत्न केला. यावेळी सोसायटीत पार्क असलेल्या वाहनांनाही मलगा धडकल्याच या व्हिडिओत पाहायला मिळत आहे. दरम्यान, या घटनेनंतर सोसायटीतील नागरिकांमध्ये संतापाची लाट उसळली आहे.

बिल्डिंगमध्ये पाळीव प्राणी ठेवण्यास बंदी असतानाही काही रहिवाशांनी आक्रमक जातीचे श्वान पाळल्याने परिसरातील नागरिकांत भीती निर्माण झाली आहे. स्थानिकांनी महापालिका आणि पोलिस प्रशासनाकडे जबाबदार मालकावर कठोर कारवाईची मागणी केली आहे.