Parbhani Student Assault : धक्कादायक म्हणजे नराधम एवढ्यावरच थांबले नाहीत, तर तिघे तिच्यावर अत्याचार करतानाचा व्हिडिओ शूट केला.
नेमकं काय घडलं?
याविषयी सविस्तर माहिती अशी की, परभणी जिल्ह्यातील जिंतूर शहरात ज्ञानोपासक महाविद्यालयात बीए प्रथम वर्षाचे शिक्षण घेणारी तरुणी आणि तिचा मित्र मारुती खरात हे दोघे जण जिंतूर तालुक्यातील भोगाव देवी येथे भेटण्यासाठी आले होते. भेट झाल्यानंतर दोघे जण भोगाव देवी संस्थान येथील इटोली शिवारात एका झाडाखाली निवांत गप्पा मारत बसले होते. ही घटना 14 ऑक्टोबर रोजी सकाळी साडेअकराच्या दरम्यानची आहे.
Kruthika Reddy : डॉक्टर बायकोचा जीव मी घेतलाच नाही, डॉ. महेंद्रच्या दाव्याने मोठा ट्विस्ट, जवळच्या मैत्रिणीच्या एन्ट्रीने खळबळ
दोघेजण गप्पा मारत रमले असताना तेथे अचानक अनोळखी सहा जण आले. त्यांच्या हातामध्ये काट्या देखील होत्या. त्यापैकी एकाने या दोघांना तुमच्याकडे जेवढे पैसे आहेत ते द्या, असे म्हणत तरुणीच्या हातातील पर्स हिसकावून घेतली, पर्समध्ये तब्बल पाच हजार रुपये होते ते पैसे देखील काढून घेतले. त्यानंतर त्यांनी या दोघांचे आधार कार्ड तपासले. हे सहा जण आरोपी एवढ्यावर थांबले नाहीत. सहापैकी दोघांनी त्या तरुणाला दाबून ठेवले तर दुसऱ्या चौघांनी तरुणीला उचलून त्याच्यापासून थोडे दूर नेले. त्यानंतर त्या चारपैकी तिघांनी आळीपाळीने तरुणीसोबत अत्याचार केला. तरुण आणि तरुणी जोरजोराने ओरडत होते, आम्हाला सोडा, आम्हाला आमच्या घरी जाऊ द्या, पण त्या नराधमांना यांची दयादेखील आली नाही.
जमीन प्रकरणाच्या आरोपांना उत्तर, धंगेकर म्हणाले मोहोळ यांची ED चौकशी करा
केवळ अत्याचारच केला नाही तर त्यांच्यासोबत असलेल्या चौथ्याने आपल्या मोबाईलमध्ये या सर्व प्रकारचे व्हिडिओ चित्रीकरण केले. अत्याचार केल्यानंतर तरुण आणि तरुणीला थेट धमकी दिली, की तुम्ही कुठे तोंड उघडले तर तुमची बदनामी करू. त्यानंतर ते सहा जण तेथून निघून गेले.Mission Yamini Priya, व्हॉट्सअपवर ग्रुप बनवला, विद्यार्थिनीच्या सेकंद-सेकंदाची अपडेट, रेल्वे ट्रॅकजवळ विघ्नेशने डाव साधला
घाबरलेले दोघे जण आपल्या घरी परतले पण घरच्यांना हा सर्व प्रकार सांगण्याची त्यांची हिंमत होत नव्हती. शेवटी तरुणीच्या सहनशीलतेचा बांध फुटला आणि तिने आपल्या घरच्यांसोबत थेट जिंतूर पोलीस स्टेशन गाठले. जिंतूर पोलिसांना घडलेला सर्व प्रकार सांगितला. आणि त्यानंतर सहा जणांविरुद्ध गुन्हा दाखल करण्यात आला आहे.
यावरून आरोपी करण बुरकुले, शेषराव शेवाळे, शेख साबीर शेख सत्तार, करण मोहिते आणि इतर दोन अल्पवयीन आरोपींविरुद्ध गुन्हा दाखल करण्यात आला आहे. सहापैकी चार आरोपींना पकडण्यात पोलिसांना यश आले असून एक आरोपी अद्याप फरार आहे, तर एक आरोपी अल्पवयीन असल्याचे सांगण्यात येत आहे. एकंदरीतच घडलेल्या प्रकारावरून परभणी जिल्हा हादरला आहे.
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा