Pooja Gaikwad : माजी उपसरपंच गोविंद बर्गे यांच्या आत्महत्या प्रकरणात जिल्हा सरकारी वकील ऍड प्रदीपसिंग राजपूत यांनी बार्शी न्यायालयात जोरदार युक्तिवाद केला.
जिल्हा सरकारी वकील ऍड प्रदीपसिंग राजपूत यांनी बार्शी न्यायालयात जोरदार युक्तिवाद केला. संशयित आरोपी पूजा गायकवाड हिला जामीन मिळाल्यास समाजात चुकीचा संदेश जाईल आणि अशा प्रकारच्या घटनांना खतपाणी मिळेल, असं त्यांनी सांगितलं. न्यायालयाने हा युक्तिवाद ग्राह्य धरून पूजा गायकवाडचा जामीन अर्ज फेटाळला. आरोपीतर्फे अॅड. आर. डी. तारके यांनी काम पाहिले.
नेमकं काय आहे प्रकरण?
बीड जिल्ह्यातील लुखामसला येथील माजी उपसरपंच व बांधकाम व्यवसायिक गोविंद बर्गे आणि पूजा गायकवाड यांची ओळख प्रेमसंबंधात रुपांतरित झाली होती. या नात्याचा फायदा घेत पूजाने गोविंद बर्गे यांच्याकडून महागडे मोबाईल, बुलेट, सोने, वैराग (ता बार्शी) येथील प्लॉट, तसेच नातेवाईकांच्या नावावर शेतजमीन इत्यादी संपत्ती मिळवली आहे.
Nandurbar Accident : अस्तंबा यात्रेहून परतताना काळाचा घाला, पिकअप गाडी उलटून सहा भाविकांचा मृत्यू, चांदशैली घाटात आक्रोश
गोविंद बर्गे यांनी गेवराई (बीड) येथे बांधलेल्या आलिशान बंगला आपल्या नावावर करून घेण्याचा तगादा लावला होता. हा बंगला तिच्या नावावर न केल्यास बलात्काराचा खोटा गुन्हा दाखल करण्याची धमकी देऊन तिने बर्गे यांना मानसिक त्रास दिल्याचा आरोप आहे. या सततच्या छळामुळे वैफल्यग्रस्त होऊन गोविंद बर्गे यांनी ९ सप्टेंबर २०२५ रोजी सासुरे (वैराग ता बार्शी जि सोलापूर) येथे पिस्तूलने गोळी झाडून आत्महत्या केल्याचा आरोप आहे.
Chhagan Bhujbal | जरांगेंना उत्तर, छगन भुजबळांचा बीडमध्ये एल्गार; धनंजय मुंडे-पडळकर सोबतीला
या घटनेनंतर गोविंद बर्गे यांचा मेव्हणा लक्ष्मण चव्हाण यांनी वैराग पोलीस ठाण्यात नर्तिका पूजा गायकवाड विरोधात गुन्हा दाखल केला. तिला १० सप्टेंबर रोजी अटक करण्यात आली असून ती सध्या न्यायालयीन कोठडीत आहे.Kruthika Reddy : डॉक्टर बायकोचा जीव मी घेतलाच नाही, डॉ. महेंद्रच्या दाव्याने मोठा ट्विस्ट, जवळच्या मैत्रिणीच्या एन्ट्रीने खळबळ
जिल्हा सरकारी वकिलांचा जोरदार युक्तिवाद
पूजा गायकवाड हिच्या जामीन अर्जावर सुनावणीदरम्यान जिल्हा सरकारी वकिल डॉ. प्रदीपसिंग राजपूत यांनी सरकारी पक्षातर्फे तीव्र विरोध नोंदवत जोरदार युक्तिवाद केला. संशयित आरोपी पूजाला जामीन मिळाल्यास समाजात चुकीचा संदेश जाईल. त्यामुळे अशा प्रकारच्या घटनांना खतपाणी मिळेल. न्यायालयाने हा युक्तिवाद ग्राह्य धरत पूजा गायकवाडचा जामीन अर्ज फेटाळला
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा