दरम्यान, ही घटना १२ ऑक्टोबर २०२५ रोजी रात्री सुमारे ९.४५ वाजता घडली होती. दादर ते बेळगावदरम्यान धावणाऱ्या हुबळी एक्सप्रेस (क्र. १७३१८) या गाडीच्या जनरल डब्यात तौसिफ हसन साहब हतरवाड (वय १९, रा. बेळगाव, कर्नाटक) हे प्रवास करत होते. प्रवासादरम्यान, बदलापूर ते वांगणी दरम्यान एका अज्ञात व्यक्तीने गाडीच्या खिडकीवर दगडफेक केली. हा दगड थेट प्रवाशाच्या डोळ्याला लागला. त्यामुळे फिर्यादीच्या उजव्या डोळ्याजवळ जबर दुखापत झाली.
जेव्हा कुंपणच शेत खातं; साई संस्थानच्या 47 कर्मचाऱ्यांवर गुन्हा दाखल, नेमकं काय आहे प्रकरण?
जखमी तौसिफ यांना तत्काळ सातारा सरकारी रुग्णालयात उपचारासाठी हलविण्यात आले. या घटनेवरून कर्जत रेल्वे पोलीस ठाण्यात गु.र. क्र. १५४/२०२५, कलम BNS १२५, १२५(b) व भारतीय रेल्वे अधिनियम १५२ नुसार गुन्हा दाखल करण्यात आला होता.

या प्रकरणाचा संपूर्ण तपास पोलीस आयुक्त (लोहमार्ग) मा. राकेश कलासागर, पोलीस उपायुक्त जडगे व सहाय्यक पोलीस आयुक्त नंदराज पाटील यांच्या मार्गदर्शनाखाली करण्यात आला. विशेष तपास पथकात PSI भाऊसाहेब कुरुंद, PSI प्रवीण कड, तसेच पोलीस शिपाई चोरमले, तुरडे व सेलोटे यांचा समावेश होता.

गुप्त माहितीच्या आधारे पथकाने वांगणी परिसरात शोध मोहीम राबवली आणि सार्थक संजय वाल्मिकी (वय १७, रा. वांगणी, ता. अंबरनाथ) या विधी संघर्षग्रस्त बालकाला ताब्यात घेतले. चौकशीदरम्यान त्याने गुन्ह्याची कबुली दिली असून त्याला बाल न्यायालयासमोर हजर करण्यात आले आहे.

सदर गुन्ह्याचा तपास वरिष्ठ पोलीस निरीक्षक तानाजी खाडे यांच्या मार्गदर्शनाखाली सुरू आहे. पोलिसांनी वेळेवर आणि प्रभावीपणे तपास केल्याबद्दल कर्जत रेल्वे जिआरपी पथकाचे प्रवाशांनी मनःपूर्वक आभार मानले आहेत. रेल्वे पोलिसांच्या तात्काळ कारवाईमुळे प्रवाशांचा विश्वास पुन्हा दृढ झाला आहे — ‘कर्जत जिआरपी’चं काम खरोखरच प्रशंसनीय आहे, असे उद्गार प्रवाशांनी काढले.