भरधाव रेल्वेनं चिमुरडीला चिरडलं

अधिकची माहिती अशी की, काल गुरुवारी सायंकाळी कनिष्का आपल्या शेजारी राहणाऱ्या मैत्रिणींसोबत खेळत होती. तिला पतंग घ्यायचं असल्यानं तिने घरून काही पैसे घेतले आणि रेल्वेरूळ ओलांडून समोरील दुकानात गेली. पतंग खरेदी केल्यानंतर ती आनंदाने घरी परतत होती. मात्र, तेवढ्यात रायपूरहून नागपूरकडे भरधाव वेगाने धावणाऱ्या प्रवासी रेल्वेगाडीने तिला चिरडलं. धडकेचा आवाज होताच परिसरातील लोकांनी घटनास्थळी धाव घेतली, पण तोपर्यंत होत्याचं नव्हतं झालेलं, कनिष्काचा जागीच मृत्यू झाला होता. या घटनेनंतर मेश्राम कुटुंबावर दुःखाचा डोंगर कोसळला. मुलीचा मृतदेह पाहताच आई-वडिलांनी एकच आक्रोश केला. संपूर्ण गाव या घटनेनं स्तब्ध झाला असून परिसरात हळहळ व्यक्त केली जात आहे.

आधी पावसाने झोडपलं, नंतर सरकारने नाडलं; शेतकऱ्याने उचललं टोकाचं पाऊल, राऊत कुटुंबाची दिवाळी कडू!

रेल्वे प्रशासनाविरुद्ध संताप

कनिष्काच्या मृत्यूनंतर ग्रामस्थांनी रेल्वे प्रशासनाविरुद्ध संताप व्यक्त केला आहे. गावकऱ्यांचं म्हणणं आहे की, या ठिकाणी पूर्वी एक रेल्वेगेट होतं. मात्र, चार महिन्यांपूर्वी रेल्वे विभागानं ते बंद करून उड्डाणपूल तयार केला आहे. पुलावरून जाण्यासाठी सुमारे अर्धा किलोमीटरचा फेरा मारावा लागतो. त्यामुळे अनेक नागरिक, विशेषतः विद्यार्थी आणि पादचारी, रोजचा मार्ग कमी करण्यासाठी थेट रेल्वे रूळ ओलांडतात. त्यामुळे या ठिकाणी अपघातांचं प्रमाण वाढलं आहे. कनिष्काचा मृत्यूही अशाच दुर्लक्षामुळे झाल्याचा आरोप ग्रामस्थ करत आहेत. गावकऱ्यांनी तात्काळ रेल्वे प्रशासनाने येथे सुरक्षा उपाययोजना कराव्यात, अशी मागणी केली आहे.

Ratnagiri News: माझ्या मुलीचा खूप छळ केला, लेक गमावलेल्या आईने काय-काय सांगितलं? रत्नागिरी विवाहिता मृत्यू प्रकरणात नवी माहिती

कनिष्का ही शशिकांत मेश्राम यांच्या दोन मुलींमधील लहान मुलगी होती. तिची मोठी बहीण सहावीत शिकत असून, कनिष्का चौथीच्या वर्गात होती. तिचे वडील सालेकसा नगर परिषदेत, तर आई आमगाव नगर परिषदेत कंत्राटी कर्मचारी म्हणून कार्यरत आहेत. कनिष्काच्या अचानक मृत्यूनं कुटुंबीयांवर दुःखाचा डोंगर कोसळला आहे. एका क्षणात आपल्या गोड मुलीला गमावलेल्या मेश्राम दाम्पत्यांचं दु:ख शब्दांत व्यक्त करणं कठीण आहे.