नेमकं काय घडलं?

दादा ज्ञानू पाटील (वय 37, रा. करगणी, ता. आटपाडी, जि. सांगली) असे अपघातात मृत झालेलेल्या व्यक्तीचे नाव आहे. पोलीस आणि प्रत्यक्षदर्शींनी दिलेल्या माहितीनुसार, दादा पाटील हे दुचाकी (MH 10 2803) वरून आदमापूर (ता. भुदरगड) येथील संत बाळूमामा देवाचे दर्शन करून आपल्या गावी करगणी, आटपाडी येथे परतत होते. रात्री दहा वाजण्याच्या सुमारास सिद्धनेर्ली येथील दूधगंगा नदीच्या पुलावर समोरून आलेल्या अज्ञात वाहनाने त्यांच्या दुचाकीला जोरदार धडक दिली. या धडकेमुळे दुचाकी पुलाच्या लोखंडी अँगलमध्ये अडकल्याने पाटील यांचा तोल जाऊन ते नदी पात्रातील दगडावर पडले. या घटनेत गंभीर दुखापत झाल्यामुळे त्यांचा जागीच मृत्यू झाला.
जैसलमेर बस अपघाताने अख्खं कुटुंब संपलं, पती-पत्नीसह तीन मुलांचा एकत्र अंत, घटनेने सर्व सुन्न

प्रशासनाची अधिकृत कारवाई

घटनेनंतर तातडीने कागल पोलीस ठाण्याचे अधिकारी आणि कर्मचाऱ्यांनी घटनास्थळी पंचनामा केला. कागल पोलीस ठाण्यात या घटनेची अधिकृत नोंद झाली असून पुढील तपास सुरू आहे. मृतदेह ग्रामीण रुग्णालयात विच्छेदनासाठी हलवण्यात आला. अज्ञात वाहन चालक अपघातानंतर घटनास्थळावरून फरार झाला आहे. पोलिसांनी पुढील तपासाची प्रक्रिया सुरू केली असून, वाहनाची ओळख पटवण्यासाठी परिसरातील सीसीटीव्ही फुटेज आणि लोकांकडून माहिती घेतली जात आहे. या प्रकरणी अज्ञात वाहन चालकाविरुद्ध अपघाताचा गुन्हा दाखल करण्यात आला आहे.
पतीला संपव, नाहीतर मी विष घेईल… 12 वर्षांनी लहान बॉयफ्रेंडकडे हट्ट, पत्नीचा हादरवणारा कारनामा
दरम्यान, या अपघातामुळे सिद्धनेर्ली आणि आजुबाजूच्या परिसरात या पुलावरून ये – जा करताना भीतीचे वातावरण निर्माण झाले आहे. स्थानिक नागरिक आणि प्रवाशांनी पुलावरील वाहतूक सुरक्षेसाठी उपाययोजना करण्याची मागणी केली आहे. दादा पाटील यांच्या निधनाने त्यांच्या कुटुंबावर दुःखाचा डोंगर कोसळला असून गावात शोककळा पसरली आहे.