भावकीच्या वादातून घरात घुसून करण्यात आलेल्या हल्ल्यात जखमी झालेल्या तरुणाचा अखेर उपचारादरम्यान मृत्यू झाला आहे. या घटनेमुळे कर्जत तालुक्यातील धाकटे वेणगाव गावात शोककळा आणि संतापाचे वातावरण निर्माण झाले आहे.
IND vs AUS: भारताला पराभवानंतर मोठा धक्का, कर्णधार हरमनप्रीतच्या एका चुकीमुळे संपूर्ण संघावर आयसीसीची कारवाई..मिळालेल्या माहितीनुसार मृत तरुणाचे नाव सतीश प्रफुल शिंदे (वय 23) असे असून, तो गेल्या काही दिवसांपासून रुग्णालयात उपचार घेत होता. मात्र, हल्ल्याच्या पाचव्या दिवशी त्याचा मृत्यू झाला.

त्याच्यावरील हल्ल्याची घटना घटना 9 ऑक्टोबर रोजी पहाटे सुमारे 4 वाजता घडली. भावकीतील वाद आणि जागेबाबतच्या वादातून आरोपींनी शिंदे कुटुंबाच्या घराचा दरवाजा तोडून थेट घरात घुसून चॉपर, कोयता आणि बंदुकीच्या धाकावर सतीशवरल भयानक हल्ला चढवला होता.

या हल्ल्यामध्ये सतीशसह तिघे जण गंभीर जखमी झाले होते. सतीशच्या छाती आणि पोटावर धारदार वार करण्यात आले होते. इतर जखमींवर अजूनही उपचार सुरू आहेत.

या प्रकरणातील प्रमुख आरोपी किरण नितीन शिंदे, मंगेश बाळू जाधव (दोघे रा. धाकटे वेणगाव) आणि जय सुनिल साबळे (रा. करंजाडे, पनवेल) यांच्याविरुद्ध गुन्हा दाखल करण्यात आला आहे. फरार झालेल्या या सर्व आरोपींचा शोध कर्जत पोलिसांकडून सुरू आहे.

दरम्यान, या घटनेनंतर संपूर्ण परिसरात भीती आणि संतापाचे वातावरण आहे. पोलिसांनी आरोपींना तात्काळ अटक करावी. त्यांच्यावर कडक कारवाई करावी, अशा स्वरुपाची मागणी गावातील नागरिकांनी केली आहे. तरुण सतीश शिंदेच्या अशा निधनाने धाकटे वेणगाव ग्रामस्थ शोकमग्न झाले असून, गावात हळहळ व्यक्त केली जात आहे.