नॅशनल क्राइम रेकॉर्ड ब्युरोने (एनसीआरबी) जाहीर केलेल्या आकडेवारीनुसार, २०२३ या वर्षात अश्लील कृत्ये व गाणी म्हणून त्रास देण्याबाबत लागू असलेल्या तत्कालीन भारतीय दंड विधानाच्या २९४ (आताचे बीएनएस २९६) कलमाअंतर्गत सर्वाधिक ५६१ गुन्हे नागपुरात नोंदविण्यात आले. या यादीत दुसऱ्या क्रमांकावर असलेल्या मध्य प्रदेशातील इंदूरमध्ये २०२३ या वर्षी १३४ गुन्हे दाखल झाले. पहिल्या क्रमांकाचे नागपूर आणि दुसऱ्या क्रमांकावरील इंदूर यांच्यात तब्बल ४३३ गुन्ह्यांचे अंतर आहे. उत्तर प्रदेशातील कानपूर ९७ गुन्ह्यांसह तिसऱ्या, केरळमधील कोची ८५ गुन्ह्यांसह चौथ्या तर केरळमधील कोझीकोड ५० गुन्ह्यांसह पाचव्या स्थानी आहे.
लग्नानंतर दुसरीच्या प्रेमात; गर्लफ्रेंडकडून ब्लॅकमेल, मोदींना शेवटचं पत्र लिहित तरुणाने आयुष्य संपवलं
सार्वजनिकरित्या त्रास दिला तरच गुन्हा
एखाद्याने दुसऱ्याला शिवीगाळ करणे, त्याच्यासमोर अश्लील कृत्य करणे अथवा अश्लील गाणी म्हटल्याने हा गुन्हा दाखल होत नाही. सार्वजनिक ठिकाणी अथवा तिसऱ्याला वाटले, की पहिल्याला किंवा दुसऱ्याला त्रास झाला तरच हा गुन्हा दाखल होऊ शकतो, असे पोलिसांनी सांगितले.
लग्नानंतर दुसरीच्या प्रेमात; गर्लफ्रेंडकडून ब्लॅकमेल, मोदींना शेवटचं पत्र लिहित तरुणाने आयुष्य संपवलं
…तर तीन महिन्यांपर्यत कारावास !
आम्हाला गैरतक्रारदाराविरुद्ध गुन्हा दाखल करायचा आहे,’ असा हट्ट तक्रारदाराने धरला किंवा पोलिसांवर दबाव आणला तर पोलिस आताच्या ‘बीएनएसच्या २९६’ या कलमान्वये गुन्हे दाखल करतात. प्रत्यक्षात हा गुन्हा न्यायालयात सिद्ध करणे मोठे आव्हान असते. भारतीय न्याय संहितेच्या ‘कलम २९४’नुसार, सार्वजनिक ठिकाणी अश्लील शेरेबाजी, अश्लील कृत्ये करणे किंवा अश्लील गाणी म्हणणे हा गुन्हा आहे. हा गुन्हा सिद्ध झाल्यास तीन महिन्यांपर्यंतचा कारावास किंवा दंड किंवा दोन्ही शिक्षा होऊ शकतात. या कलमांतर्गत एक हजार रुपयांपर्यंत दंडही होऊ शकतो.