याप्रकरणी मिळालेल्या अधिक माहितीनुसार, नागपूरहून सहा युवक आणि तीन युवती वाढदिवस साजरा करण्यासाठी कन्हानच्या गाडेघाट-जुनी कामठी रोडलगत असलेल्या राज फार्महाऊसवर आले होते. पार्टीदरम्यान मद्य आणि हुक्का यांचे सेवन सुरू होते. त्याच वेळी मयूर रात्री सुमारे 12.20 वाजता स्विमिंग पूलमध्ये उतरला. मात्र, पूलमध्ये असलेल्या उघड्या वायरीतून प्रवाहित होणाऱ्या करंटचा जोरदार झटका बसल्याने तो बेशुद्ध झाले.
Crime Diary: मी तुमच्या मुलीला संपवलं, जा, तिची बॉडी… एकतर्फी प्रेमातून तरुणीची हत्या, घराबाहेर हात धुतले अन्…
घटनेच्या वेळी उपस्थित मित्रांनी सांगितले की, सुरुवातीला पाण्यात हलका करंट जाणवल्याने सर्वजण बाहेर आले. परंतु मयूर पुन्हा त्या भागात गेला जिथे करंटचा प्रवाह सर्वाधिक होता. पाण्यात शिरताच तो बेशुद्ध झाला. मित्रांनी त्याला तातडीने बाहेर काढले आणि त्याला सीपीआर देण्याचा प्रयत्न केला, मात्र तो काहीच हालचाल करत नव्हता. त्यानंतर त्याला तत्काळ कॅन्टोन्मेंट रुग्णालयात नेण्यात आले. मात्र, तपासणीअंती डॉक्टरांनी त्याला मृत घोषित केले.
पळून लग्न केलं, सुखी संसाराचं स्वप्न धुळीस, दीड वर्षातच प्रेमाचा भयंकर शेवट, मेहकसोबत काय घडलं?
या घटनेनंतर राज फार्महाऊसच्या व्यवस्थापनावर दुर्लक्षाचा आरोप करण्यात आला आहे. फार्महाऊसचे मालक हसन अली यांनी नियमितपणे येथे पार्ट्या आयोजित केल्या जात असल्याचे मान्य केले, मात्र त्यांनी मयूर दारूच्या नशेत पूलमध्ये पडल्याचा दावा केला. पोलिसांनी मात्र घटनास्थळी केलेल्या तपासात पूल परिसरात उघड्या वायरी आढळल्या असून, नंतर त्या निळ्या टेपने झाकल्याचेही समोर आले आहे.

कन्हान पोलिसांनी घटनेची नोंद करून गुन्हा नोंदवला असून पुढील तपास सुरू केला आहे. महावितरणच्या तपास पथकाकडून विजेच्या दोषांची पाहणी करण्यात आली आहे. दरम्यान, शवविच्छेदन अहवाल आल्यानंतर आणखी काही धक्कादायक बाबी उघड होण्याची शक्यता व्यक्त केली जात आहे.