निवडणुकांच्या वेळापत्रकाची घोषणा होताच या दोन्ही पक्षांतील राजकीय युतीचीही घोषणा होणार असल्याची माहिती आहे. तोपर्यंत जागावाटप पूर्ण करण्यावर भर देण्यात येत असल्याचे समजते.

हिंदी भाषा सक्तीच्या निमित्ताने ठाकरे गटाचे प्रमुख उद्धव ठाकरे आणि मनसे अध्यक्ष राज ठाकरे एकत्र आल्यानंतर त्यांच्यातील भेटीगाठी सातत्याने वाढत गेल्या. राज्यातील आगामी स्थानिक स्वराज्य संस्था तसेच महापालिका निवडणुकांच्या निमित्ताने राजकीय युती करण्याबाबत या दोन्ही पक्षांत एकमत झाल्याचे कळते. त्यातही मुंबई महापालिकेत राज्यातील महायुतीच्या विराधात ठाकरे बंधू यांनी युती करण्याचे ठरवल्याचे समजते. त्यानुसार प्रत्येक महापालिकेसाठी जागा वाटप ठरवण्यासाठी दोन्ही पक्षांच्या स्थानिक नेत्यांच्या बैठकांना सुरुवात होणार आहे.
Murlidhar Mohol : अजित पवारांविरोधात मुरलीधर मोहोळ यांचा शड्डू, दादा तीनवेळा अध्यक्षपद भूषवत असलेल्या निवडणुकीत उडी
मुंबई महापालिका निवडणुकीसाठी उबाठाकडून अनिल परब, वरूण सरदेसाई आणि सुरज चव्हाण यांच्यावर जागा वाटपाची बोलणी करण्याची जबाबदारी देण्यात आली आहे. ठाण्यात राजन विचारे, केदार दिघे आणि स्थानिक नेते तसेच पुण्यात वसंत मोरे, आदित्य शिरोडकर आणि स्थानिक नेते जागा वाटपाची बोलणी करतील. मनसेकडून बाळा नांदगावकर, संदीप देशपांडे, नितीन सरदेसाई, अविनाश अभ्यंकर यांच्याकडे जबाबदारी असेल.

मनसे नेते अमित ठाकरे यांनी दोन दिवसांपूर्वी मुंबईतील विभागप्रमुखांची विभागवार बैठक घेऊन प्रत्येक वॉर्डातील राजकीय परिस्थिती, समीकरणे आणि पक्षाची बलस्थाने जाणून घेतली. राज ठाकरे यांनीही मुंबई मुंबई महापालिकेसाठी कोणत्या जागा मागता येतील याची यादी मुंबई शहराध्यक्ष संदीप देशपांडे आणि उपशहर अध्यक्षांकडे मागितली आहे.
Mama Rajwade : ठाकरे गटाला ‘मामा’ बनवून भाजपमध्ये, आता त्याच प्रभावशाली नेत्याला अटक, कोणत्या प्रकरणात कारवाई?
ठाकरे गट आणि मनसे यांच्यातील युतीत राष्ट्रवादी काँग्रेस शरद पवार गटाला सामावून घेता येईल का याचीही चाचपणी सुरू असल्याचे समजते. सर्व पार्श्वभूमीवर उबाठा पक्षाचे नेते संजय राऊत यांनी ज्येष्ठन नेते शरद पवार यांची परवा भेट घेऊन चर्चा केल्याचे समजते.