राज्यात सध्या स्थानिक स्वराज्य संस्थांच्या निवडणुकांचे बिगुल वाजले आहे. त्यामुळे मुंबई महानगरपालिका निवडणुकीच्या तयारीच्या हालचालींना वेग आला आहे. त्यातच शिवसेना (उबाठा) आणि मनसे एकत्र येणार असल्याची जोरदार चर्चा सुरू झाल्याने महाविकास आघाडीच्या भवितव्याबाबतही तर्कवितर्क लढवले जात आहेत. शिवसेना (उबाठा) पक्षाचे नेते संजय राऊत यांनी राष्ट्रवादी काँग्रेस शरदचंद्र पवार पक्षाला सोबत घेण्याची तयारी सुरू केल्याने काँग्रेसच्या नेत्यांमध्ये उत्सुकता शिगेला पोहोचली आहे.
मुंबई पोलिसांसाठी Good News! तुमच्यासाठी सरकार बांधणार ५५ हजार घरे; ७५ भूखंडांवर गृहप्रकल्प
एकीकडे महाविकास आघाडीत मनसे नवा पक्ष नको, असे सूतोवाच काँग्रेसचे महाराष्ट्राचे प्रदेशाध्यक्ष हर्षवर्धन सपकाळ यांनी काही दिवसांपूर्वीच केले आहे. तसेच स्थानिक स्वराज्य संस्थांच्या निवडणुकांमध्ये आघाडीबाबत निर्णय घेण्याचे अधिकार प्रदेश काँग्रेसला दिल्याचेही ते म्हणाले होते. परिणामी, मुंबईत शिवसेना (उबाठा), मनसे आणि राष्ट्रवादी काँग्रेससोबत आल्यास काँग्रेस यात सहभागी होण्याची शक्यता नसल्याचे मुंबई काँग्रेसच्या एका बड्या नेत्याने स्पष्ट केले. त्याचवेळी ‘येत्या सोमवारी मुंबई महानगरपालिका निवडणुकीसंदर्भात चेन्नितला यांच्या उपस्थितीत विशेष बैठक बोलविण्यात आली आहे.
Weather Update: मान्सूनची राज्यातून माघार; रविवारपासून तापमानात वाढ होण्याची शक्यता, कुठं बसणार ऑक्टोबर हिटचा चटका?
या बैठकीत आम्ही मुंबईतील सर्व जागांबाबत आढावा घेण्याबाबत चर्चा करणार आहोत. त्याशिवाय मुंबईतील सर्व जागांसाठी इच्छुकांचे अर्ज मागविणार आहोत. हे अर्ज प्राप्त झाल्यानंतर किती जागांवर निवडणूक लढविणार, हे ठरवले जाईल. परंतु तूर्त तरी महाविकास आघाडीसोबत आहोत. याबाबत अंतिम निर्णय पक्षश्रेष्ठींशी चर्चा केल्यानंतरच घेतला जाईल,’ असेही त्यांनी स्पष्ट केले.