कसा असेल मेट्रो – ५ चा मार्ग?

मेट्रो – ५ कल्याण-ठाणे या मार्गिकेचा मार्ग ठाण्यातील कापूरबावडी जंक्शन ते कल्याण येथील कृषी उत्पन्न बाजार समिती या दरम्यान आहे. या मार्गाचा पहिला टप्पा ठाणे ते भिवंडी येथील धामणकर नाकापर्यंत असेल. ठाणे ते भिवंडी धामणकर नाक्यापर्यंतचा मार्ग ११.८९५ किमी इतका लांब आहे. या टप्प्याचं बांधकाम जवळपास ६० टक्क्यांपर्यंत पूर्ण झालं आहे.
मेट्रो, मोनो, लोकल, बस…कुठलंही तिकीट काढताना ‘मुंबई वन’ ॲपवर मिळेल 20 टक्के सवलत, प्रवाशांना मोठा फायदा; कशी-कुठे मिळेल सूट?
मेट्रो – ५ कल्याण-ठाणे या मार्गिकेचं बांधकाम ‘MMRDA’ स्वत:च्या निधीतून करत आहे. याशिवाय या मार्गासाठी लागणाऱ्या गाड्या, सिग्नल आणि संवाद यंत्रणा तसंच इतर गोष्टींसाठी आशिया इन्फ्रास्ट्रक्चर इन्व्हेस्टमेंट बँक वित्तसाह्य, आर्थिक मदत पुरवणार आहे.
मुंबईत 27 स्थानकांसाठी 70 रुपये तिकीट, भुयारी मेट्रो पूर्णपणे सेवेत; Metro – 3 चे तीन मार्ग, कोणत्या स्थानकांचा समावेश?
सध्या कल्याण-ठाणे या मेट्रो – ५ मार्गाची उभारणी सुरू असून त्यात पाणी, हवा, कंपनं, माती आणि आवाजाशी संबंधित अशी विविध प्रदूषणं होण्याची शक्यता आहे. या पर्यावरणीय प्रभावासह या मार्गात एकूण २९२ बांधकामं पाडली जाणार आहेत. त्यात १०८ घरं आणि १८४ दुकानांचा समावेश आहे.

काल्हेरमध्ये दुरुस्ती डेपोसाठी २६.७३ हेक्टरसह एकूण २७.२५ हेक्टर खासगी जमीन अधिग्रहित केली जाणार आहे. त्यामुळे या प्रकल्पाचा सामाजिक प्रभावही अतिशय मोठा असणार आहे. या सर्व बाबींचा विचार करुन आता, MMRDA मेट्रो-५ या मार्गिकेचा सामाजिक आणि पर्यावरणीयदृष्ट्या विश्लेषणात्मक अभ्यास करणार आहे.