वाहतूक कोंडीमुक्त चाकण कृती समितीकडून ‘पीएमआरडीए’ कार्यालयावर मोर्चा काढण्यात येणार आहे. या पार्श्वभूमीवर ‘पीएमआरडीए’कडून बुधवारी सायंकाळी ही माहिती देऊ आंदोलन स्थगित करण्याचे आवाहन करण्यात आले आहे.
Pune News : पुण्यातील भिडे पुलाबाबत महत्त्वाची माहिती, सकाळी 6 ते रात्री 10 वाजेपर्यंत… शनिवारपासून नागरिकांना दिलासा
चाकण येथील औद्योगिक क्षेत्रातील वाहतूक कोंडी सोडविण्यासाठीच्या कामांची स्वीकृत निविदांची छाननी सुरू आहे. सर्व प्रशासकीय मान्यता प्राप्त असलेल्या कामांची एकत्रित लांबी ४०.७४ किलोमीटर असून ५५८ कोटी १२ लाख रुपयांची ही कामे प्राधान्याने हाती घेण्यात आली आहेत. ही कामे पूर्ण झाल्यानंतर चाकणमधील वाहतूक कोंडीचा प्रश्न सुटण्यास मदत होणार आहे.
Pune News : पुण्यातून दिवाळीसाठी 597 जादा बस, 15 ते 5 नोव्हेंबरपर्यंत विशेष सेवा; कुठून सुटणार एसटी?

निविदा प्रक्रिया पूर्ण करून तांत्रिक छाननी सुरू असलेली कामे – (रस्ता आणि मंजूर निधी)

– धामणे फाटा ते जि.प. शाळा-कोये, दोन कि.मी., आठ कोटी
– कोहिंडे फाटा ते कडूस गावठाणपर्यंत ५.६० कि.मी., २० कोटी
– कडूस गावठाण ते किवळे ५.५० कि.मी., २० कोटी
– भोसे राज्य मार्ग ५५ ते वडगाव घेनंद १.२० कि.मी., पाच कोटी
– किवळे ते आंबेठाण ०.८९ कि.मी., ३.५० कोटी
– देहू येलवाडी, २.५ कि.मी., १०४ कोटी
– खेड तालुक्यातील वाहतूक कोंडी सोडविण्यासाठी मुख्यमंत्री देवेंद्र फडणवीस यांनी विशेष बाब म्हणून १७.६९ कि.मी रस्त्यांसाठी १९६ कोटी ५० लाखांच्या निधीला मान्यता दिली आहे.
Pune News : पुण्यातील रिंग रोडबाबत महत्त्वाची बातमी, जिल्हाधिकाऱ्यांचे आदेश, शेतकऱ्यांच्या संमतीने तात्काळ…

निविदा प्रसिद्धी स्तरावरील कामे – (रस्ता आणि निधी) –

– मौजे चिखली ते मोई, १.७० कि.मी., १३.४२ कोटी
– कुरुळी फाटा ते निघोजे, २.५० कि. मी., १५.५० कोटी
– पुणे-नाशिक महामार्ग – आळंदी फाटा (चाकण) ते आंळदी रस्ता, चार कि.मी., २० कोटी
– चहोली खु. ते आळंदी, मरकळ रस्ता, दोन कि.मी., १२ कोटी
– निघोजे ते चाकण एमआयडीसी, १.५० कि.मी., ६.७२ कोटी
– खालुंब्रे ते एमआयडीसी फेज दोन, दोन कि.मी. १२.५० कोटी
– मुख्य चाकण चौकातील वाहतूक कोंडी सोडविण्यासाठी १७.७० कि.मी. रस्त्यांची सुधारणा करण्यात येणार असून, या कामांसाठी १०० कोटी १४ लाख रुपये निधीला प्रशासकीय मान्यता मिळाली आहे. प्राधिकरणाकडून आठ ऑक्टोबरला निविदा प्रसिद्ध केली आहे.

भूसंपादन सुरू असलेले रस्ते –

– ३० मीटर रुंदीचा तळेगाव-चाकण महामार्ग ५० हिंगणे चौक ते चाकण औद्योगिक वसाहत टप्पा तीन येथे फोक्सवॅगन कंपनी खराबवाडीला जोडणारा रस्ता. ०.९० कि.मी., २४.६५ कोटी
– मौजे नाणेकरवाडी येथील सॅनी कंपनी ते राज्य मार्ग ६० येथील समृद्धी सीएनजी पंपला जोडणारा रस्ता. १.२ कि. मी., ३३.४० कोटी
– मौजे मेदनकरवाडी, येथील राज्य मार्ग ६० येथील बंगला वस्ती चौक ते राज्य मार्ग ५५ रासे फाट्यापर्यंतचा रस्ता. २.५ कि.मी., १११.७५ कोटी
– वेस्टर्न बायपास पुणे-नाशिक एनएच ६०, चाकण एमआयडीसी टप्पा पाच तसेच तळेगाव एमआयडीसी ते जुना मुंबई-पुणे महामार्गाला जोडणारा प्रमुख मार्ग ०.७५० कि.मी., ९१.६८ कोटी
– एकूण ५.३५ कि. मी. अंतर असून २६१.४८ कोटी रुपयांची मान्यता मिळाली आहे.
चाकण भागात केलेल्या कारवाया – तोडलेली बेकायदा बांधकामे : ३४७
कारवाई केलेले जाहिरात फलक (होर्डिंग) : ८१
– एकूण : ४२८