‘चंद्रकांत पाटील यांच्यावर रवींद्र धंगेकर यांच्याकडून करण्यात येत असलेल्या आरोप बिनबुडाचे असून फक्त ते वैयक्तिक आकसाने केलेले आहेत. फक्त प्रसिद्धीमध्ये राहण्यासाठी हे आरोप करत आहे. महायुती म्हणजे फेव्हिकॉल का मजबूज जोड आहे. त्यामुळे धंगेकर यांच्यासारख्या कोण्या एका व्यक्तीने टीका केल्याने महायुतीमध्ये मिठाचा खडा पडेल असं काही होणार नाही. धंगेकर यांनी काल-परवा एकनाथ शिंदे यांच्या शिवसेनेमध्ये प्रवेश केला आहे. त्यापूर्वी ते काँग्रेसमध्ये आणि मनसेमध्ये होते. उद्या दुसरीकडे कुठे असतील माहित नाही. त्यामुळे सातत्याने पक्ष बदलण्याचा त्यांचा स्वभाव असून त्यांना अद्याप आपण शिंदेंच्या शिवसेनेमध्ये आलो आहोत याबाबतचा भान राहिलेलं नाही’, असं धीरज घाटे म्हणाले आहेत.

Gautami Patil: गौतमी पाटीलकडून पैशांचा आरोप; पुण्यातील अपघातग्रस्त मरगळेंच्या पोरीने सगळंच काढलं; तिचा मानलेला भाऊ…

‘धंगेकर हे ब्लॅकमेलर आहेत. अशा पद्धतीने विधान करायचं आणि प्रसिद्धीमध्ये राहायचं की त्यांची प्रवृत्ती पुणेकरांना माहिती आहे. त्यामुळे त्यांनी कोणालाही शहाणपण शिकवण्याची गरज नाही. चंद्रकांत पाटील यांच्यावर होणारी टीका भाजपचा कोणताही भाजप कार्यकर्ता आता खपून घेणार नाही. त्यांनी हे थांबवलं नाही तर त्यांच्याच भाषेत यापुढे त्यांना ठोकून काढू’, असा इशारा शहराध्यक्ष धीरज घाटे यांनी दिला.

‘रोहित पवार दादा म्हणायच्या लायकीचा नाही’, कुख्यात गुंड निलेश घायवळचा व्हिडीओ समोर

‘धंगेकर ज्या पद्धतीने महायुतीमध्ये असताना असं वक्तव्य करत आहेत. त्यामुळे त्यांना समजेल अशा पद्धतीत त्यांना समज देण्याची गरज आहे. शिवसेनेतील वरिष्ठ नेत्यांनी त्यांना समज देण्याची गरज आहे. वरिष्ठांनी त्यांना समज द्यावी अन्यथा आम्ही आमच्या पद्धतीने त्यांना ठोकून काढू’, असं देखील घाटे म्हणाले आहेत. त्यामुळे आता निलेश घायवळवरून सुरु झालेला हा वाद महायुतीत मिठाचा खडा पडेपर्यंत पोहोचला आहे. दुसरीकडे आगामी महापालिका निवडणुकीपूर्वी दोन मित्र पक्षात आलेले हे वितुष्ट आणखी वाढण्याची शक्यता आहे.