अमरावती शहरातील धामणगाव रेल्वे परिसरात ही घटना घडली. मृत मुलाचे नाव गणेश उर्फ शुभम गजानन वारंगणे असून, त्याची आई दुर्गा वारंगणे आहे. दुर्गा यांचे मनोज किर्तने या पुरुषासोबत विवाहबाह्य संबंध होती. पोलिसांच्या तपासात असे समोर आले की, दुर्गाला असे वाटत होते की तिचा मुलगा गणेश त्यांच्या प्रेमसंबंधात अडथळा निर्माण करत आहे. या कारणामुळे ७ ऑक्टोबरला दुर्गा आणि तिच्या प्रियकराने दोन इतर साथीदारांसोबत मिळून गणेशवर हल्ला करण्याचा कट रचला.

Y Puran Kumar Death : जीव देण्याआधी बायकोला 15 वेळा कॉल, IPS अधिकारी मृत्यू प्रकरणात नवी माहिती, जपानमधून मुलीला फोन केला अन्…

मोटरसायकल वरुन घेऊन गेले आणि

त्या दिवशी सकाळी गणेशला मोटारसायकलवर बसवून आसेगाव परिसरातील शेतात नेलं गेले, जिथे त्याच्यावर बेदम मारहाण करण्यात आली. या मारहाणीमुळे गणेशचा मृत्यू झाला. तरुणाच्या मामानी या घटनेविरुद्ध दत्तापूर पोलिस ठाण्यात तक्रार दिल्यानंतर पोलिसांनी तपास सुरू केला.

माहितीनुसार, ८ ऑक्टोबर रोजी दत्तापूर पोलिस ठाण्यात डॉ. आकाश येंडें यांनी सांगितले की, गणेश मृतावस्थेत रुग्णालयात दाखल झाला होता. तपास सुरू केल्यावर पोलिसांना धक्कादायक माहिती मिळाली. फक्त चार तासांतच पोलिसांनी दुर्गा, तिचा प्रियकर मनोज, तसेच इतर दोन साथीदार अमोल अर्जुने आणि अशोक चवरे यांचा छडा लावून त्यांना अटक केली.

आरोपींना अटक करताच चौकशी केली गेली आणि त्यांनी गुन्ह्याची कबुली दिली. तपासात स्पष्ट झाले की दुर्गा नेच हा कट रचला आणि आपल्या पोटच्या मुलाचा जीव घेतला. या निर्दयी घटनेमुळे अमरावती शहरात खळबळ उडाली आहे.

या प्रकरणाची संपूर्ण कारवाई पोलीस अधीक्षक विशाल आनंद, अपर पोलीस अधीक्षक पंकज कुमावत आणि उपविभागीय अधिकारी अशोक थोरात यांच्या मार्गदर्शनाखाली करण्यात आली. चार तासांत गुन्हेगारांचा शोध लावल्याबद्दल दत्तापूर पोलिसांचे विशेष कौतुक केले जात आहे.