या भरतीत २०२२ आणि २०२३मध्ये वयोमर्यादा ओलांडलेल्या उमेदवारांनाही एकदाच अर्ज करण्याची संधी देण्यात येणार असल्याने राज्यभरातील लाखो उमेदवार या निर्णयाकडे उत्सुकतेने पाहत आहेत. मात्र, पुण्यासह काही शहरांच्या पदवाटपावर एकमत न झाल्याने हा जी. आर. अद्याप प्रसिद्ध झालेला नाही. परिणामी, भरती जाहिरात प्रसिद्ध होण्यास विलंब झाला आहे.
Pune Water Cut: पुणेकरांनो, पाणी भरुन ठेवा! शहरात गुरुवारी पाणी बंद, कोणत्या भागांना फटका? वाचा लिस्ट
मंत्रिमंडळाच्या निर्णयानंतर गृह विभागाकडून प्रत्येक आयुक्तालयाला पदांचे वाटप निश्चित करण्याची प्रक्रिया सुरू झाली. त्या वेळी पुण्यासाठी एक हजार पदांचा प्रस्ताव ठेवला होता; परंतु गृह विभागाने ‘शहरासाठी सुमारे ८५० पदे पुरेशी आहेत,’ असा नवा प्रस्ताव तयार केला आहे. या ८५० पदांपैकी फक्त निम्मी म्हणजे सुमारे ४२५ पदे पहिल्या टप्प्यात भरण्याचा विचार सुरू असल्याचे सूत्रांनी सांगितले. त्यामुळे पुणे पोलिस दलाला आवश्यक असलेले मनुष्यबळ मिळण्यास विलंब होणार आहे.
Pune Accident : बाईक झाडावर आदळली, हेल्मेट असूनही मृत्यूने गाठले, पुण्यातील नवविवाहित तरुणाचा करुण अंत, पत्नीचा टाहो
पाच नव्या पोलिस ठाण्यांच्या पदांवरून अडला निर्णय
शहरातील वाढत्या लोकसंख्येचा आणि गुन्हेगारीच्या बदलत्या स्वरूपाचा विचार करून पुणे शहर पोलिस आयुक्तालयांतर्गत पाच नवीन पोलिस ठाण्यांना मंजुरी देण्याची घोषणा मुख्यमंत्री देवेंद्र फडणवीस यांनी काही महिन्यांपूर्वी केली होती. या पाच ठाण्यांसाठी स्वतंत्र मनुष्यबळ देणे आवश्यक आहे, असे पोलिस प्रशासनाचे मत आहे. पुणे पोलिस प्रशासनाने राज्य सरकारकडे पाठविलेल्या प्रस्तावात एक हजार पदांची मागणी पुन्हा अधोरेखित केली आहे. शहरातील वाहतूक, गुन्हे शाखा, सायबर युनिट आणि पाच नव्या ठाण्यांसह पोलिस ठाण्यांवरील ताण लक्षात घेऊन ही मागणी योग्य असल्याचे मत वरिष्ठ पोलिस अधिकाऱ्यांनी व्यक्त केले.