पावसाळी अधिवेशनात विधान परिषदेत तत्कालीन कृषिमंत्री व विद्यमान क्रीडामंत्री माणिकराव कोकाटे हे सभागृहात मोबाइलवर ऑनलाइन रमी नावाचा जुगार खेळत असल्याचा व्हिडीओ राष्ट्रवादी शरदचंद्र पवार पक्षाचे आमदार रोहित पवार यांनी सोशल मीडियावर अपलोड केला होता. त्यावरून राज्यात खळबळ उडाल्यानंतर मंत्री कोकाटे यांच्या खात्यात बदल करून आरोप-प्रत्यारोप झाले. याप्रकरणी कोकाटे यांनी पवारांविरुद्ध नाशिक जिल्हा न्यायालयात खटला दाखल केला आहे.
Nashik Crime: ‘तो’ गोळीबार बारमधल्या राड्यातून; भूषण लोंढेसह 11 जणांवर गुन्हा, एक जखमी, नेमकं काय घडलं?
याप्रकरणी सोमवारी (दि. ६) झालेल्या सुनावणीवेळी मंत्री कोकाटे उपस्थित होते. न्यायाधीश नरवाडिया यांच्यासमोर त्यांचा जबाब नोंदविण्यात आला. ‘आमदार पवार हे विधान परिषदेचे सदस्य नसताना त्यांना व्हिडीओ कसा काढला? त्यांना सदरचा व्हिडीओ कसा मिळाला?’ असेही प्रश्न कोकाटे यांनी उपस्थित केले. तसेच पवार यांना नोटीस बजावूनही त्यांनी अद्याप कोणतेही उत्तर न दिल्याचा दावा कोकाटे यांचे वकील मनोज पिंगळे यांनी केला.
Eknath Shinde: कार्यकर्त्यांना निवडून आणा! स्थानिक निवडणुकांसाठी उपमुख्यमंत्री शिंदेंचे नेत्यांना निर्देश
यासह ‘कोडवर्ड हॅक झाले, माझा मोबाइल हॅक झाला, तर खासगी रेकॉर्ड सावत्रिक होऊ शकतात. विधान परिषदेत मोबाइल नेता येत नाही. त्यामुळे व्हिडीओही बेकायदेशीर आहे’, असा दावा मंत्री कोकाटे यांनी केला. त्यामुळे या प्रकरणावरून पुन्हा राजकीय आरोप-प्रत्यारोप सुरू होण्याची चिन्हे आहेत.