दीपक परशुराम हांडोरे (वय 29, रा. विहितगाव) आणि त्याचा 16 वर्षीय साथीदार हे दोघेही नाशिक शहरातील बाजारपेठेत कपडे खरेदी करण्यासाठी गेले. या दोघांनी मिळून बाजारपेठेतून जवळपास 57 हजार रुपयांचे कपडे खरेदी केले. कपडे खरेदीचे बिल हे ऑनलाईन पद्धतीने देण्यात आले. पैसे खात्यातून वर्ग झाल्याचं भासवून दोघांनीही तिथून पळ काढला. नाशिकच्या बाजारपेठेतून या दोघांनी जवळपास 57 हजाराची खरेदी केली.

Nanded News : शेतकरी पुत्राची कमाल! देशभरातून एकट्याची निवड, अमेरिकेत घेणार 84 लाखांचं पॅकेज, महाराष्ट्राच्या शिरपेचात मानाचा तुरा

सोशल मीडियाचा वापर करून केली फसवणूक

सोशल मीडियावरील इन्स्टाग्रामवर या दोघांनी ई-फसवणुकीचे ‘रील्स’ बघून माहिती घेतली. यानंतर हे दोघांनी नाशिक शहरातील बाजारपेठेतील दुकानदारांकडून महागडे कपडे खरेदी केले. बिलाची रक्कम देताना मात्र रोख न देता ऑनलाइन पद्धतीने दिली ‘तुमचे पैसे प्राप्त झाले…’ असा मेसेज आणि आवाज ऐकवून त्यांनी व्यापाराला पैसे दिल्याचे भासवलं.

Gautami Patil Car Accident : गौतमी पाटील कार अपघात प्रकरणात ट्विस्ट, जखमी कुुटुंबियांनी केलेली ‘ती’ पूर्ण, पण…

हजारोंचे कपडे लंपास करणारे दोघे ताब्यात

‘ई-पेमेंट’द्वारे फसवणूक झाल्याच्या तक्रारी काही व्यावसायिकांनी पोलिसांकडे केल्या. त्यानुसार पोलिसांनी दुकानातील सीसीटीव्ही तपासले. सीसीटीव्हीच्या तांत्रिक विश्लेषणाद्वारे गुन्हे शाखा युनिट दोनच्या पथकाने संशयितांचा माग काढला. संशयित वालदेवी पुलाजवळ असल्याची माहिती पोलिसांना मिळाली. यानंतर पोलिसांनी सापळा रचून दोघांना ताब्यात घेतलं. त्यांच्याकडून मोबाईल, महिलांचे कपडे, साड्या, जीन्स व रोख रक्कम असा एकूण 57 हजारांचा मुद्देमाल जप्त करण्यात आला. काही महिन्यांपूर्वी ‘रील्स’ पाहताना दुकानदारांना फसविण्याची कल्पना सुचल्याची कबुली संशयित हांडोरेने दिल्याची माहिती पोलिसांनी दिली. तसेच हे कपडे देवळाली कॅम्प बाजारपेठेत विकल्याचेही म्हटलं जातं आहे.