25 सप्टेंबर रोजी राशिद खान या 21 वर्षीय तरुणाला फोन करून कॅफेतअ बोलावलं होतं. पाथर्डी फाटा परिसरातील एका कॅफेत जुन्या वादाची कुरापत काढून त्याच्यावर वार करण्यात आले होते. चार संशयीत आरोपींनी त्याच्यावर धारदार शस्त्राने वार केले होते. या हल्ल्यात राशिद खान हा जबर जखमी झाला होता. पोलीस घटनास्थळी दाखल झाल्यानंतर राशिदला जिल्हा शासकीय रुग्णात दाखल करण्यात आलं. मात्र, डॉक्टरांनी त्याला मृत घोषित केलं होतं.

Beed Crime : पहिली बायको सोडून गेली, दुसऱ्या बायकोवरही संशय, बारसं होण्याआधीच 4 महिन्यांच्या लेकाला संपवत बापाने जीव दिला

राशीदचा खून करणाऱ्या चार जणांना जी. एस. कंपनीच्या वारसी टोळीचा फरार म्होरक्या गयासोद्दीन उर्फ गॅस आणि हासीम वारसी या दोघा भावांनी आर्थिक मदत आणि पळून जाण्याकरीता मदत केली होती. त्यांचं अस्तित्व लपवून ठेवण्यास बांधकाम व्यावसायिक किस्तम अली आजम अली अन्सारी याने मदत केल्याची माहिती वरिष्ठ निरीक्षक तृप्ती सोनवणे, सहायक निरीक्षक हेमंत तोडकर यांच्या पथकाचे नंदकुमार नांदुर्डीकर, चंद्रकांत गवळी यांना माहिती मिळाली. संशयित बांधकाम व्यवसायिक राणाप्रताप चौकात असल्याचं पोलिसांना समजलं. पथकाने छापा टाकून संशयिताला ताब्यात घेतलं. कसून चौकशी केली असता त्याने मदत केल्याची कबुली दिल्यानं संशयित वारसी टोळीला मदत करत असल्याचं तपासात निष्पन्न झालं. संशयिताला इंदिरानगर पोलिसांच्या ताब्यात देण्यात आलं असून, इंदिरानगर पोलीस पथक पुढील तपास करत आहेत.

नाशिकमध्ये पुन्हा एका तरुणाची हत्या

नाशिक शहरात पुन्हा एका तरुणाची हत्या झाल्यानं नाशिक जिल्हा हादरला आहे. शहरात जानेवारी ते सप्टेंबर या नऊ महिन्यात 42 हत्या झाल्या आहेत तर ऑक्टोबरच्या पहिल्या दोन दिवसातच 43वी हत्या झाली आहे. नाशिक शहरात हत्येचं सत्र सुरू असून काल दसऱ्याच्या रात्री कृष्णा ठाकरे या तरुणावर कोयता आणि धारदार शस्त्राने वार करण्यात आल्यानं त्याचा मृत्यू झाला.