काय आहे प्रकरण?

मिळालेल्या माहितीनुसार, बीड जिल्ह्यातील गेवराई तालुक्यातील तलवाडा गावातील रामनगर येथे राहणारा अमोल हौसराव सोनवणे आणि पायल अमोल सोनवणे या नवरा बायकोने चार दिवसांपूर्वी घरगुती कारणावरुन विषारी औषध प्राशन केले होते. दोघंही यातून बचावले आणि उपचार झाल्यानंतर दसऱ्याच्या दिवशी आपल्या घरी परतले. मात्र पहाटे चार वाजताच्या सुमारास अमोलने आपल्या पोटच्या गोळ्याला – चार महिन्याच्या मुलाला पाण्याच्या बॅरेलमध्ये टाकले. त्यानंतर त्याने घरातच गळफास घेऊन स्वतःलाही संपवलं. अमोलचे याअगोदर एक लग्न झालं होतं. मात्र त्याच्या वागण्याला कंटाळून त्याची पहिली पत्नी काही महिन्यातच त्याला सोडून माहेरी निघून गेली होती. काही काळ गेल्यानंतर अमोलचं दुसरं लग्न झालं. दीड वर्षापूर्वी बीड जिल्ह्यातील आष्टी येथे राहणाऱ्या पायल हिच्याशी त्याचा दुसरा विवाह झाला. मात्र अमोल याच्या संशयी स्वभावामुळे पायल आणि अमोल यांच्यात सतत भांडणे होत असत. वादावादी सुरु असतानाच त्यांना मुलगा झाला.
Pune Crime : टीव्ही बंद कर न् डोळ्यात ड्रॉप घाल, पुण्यात 35 वर्षांच्या सचिनने रागात वडिलांनाच संपवलं, ऐन दसऱ्याला कोथरुड हादरलं
दसऱ्याच्या काही दिवस आधी पायल आणि अमोल यांच्यात कडाक्याचं भांडण झालं. यात दोघांनीही विष प्राशन केलं. मात्र नातेवाईकांनी दोघांना तातडीने रुग्णालयात दाखल केलं. त्यांच्यावर उपचार झाले. दसऱ्याच्या तोंडावर ते घरी आले. घरी सर्वांसोबत त्यांनी दसरा साजरा केला. दुसऱ्या दिवशी पहाटे अमोलने बाळाला त्याच्या आईच्या कुशीतून अलगद उचलून पहाटे घरातील ड्रममध्ये बुडवलं. बाळाचा यात मृत्यू झाला. या मुलाचं बारसंही झालं नव्हतं. यानंतर अमोलने गळफास घेऊन स्वतःचा जीवही संपवला.

Pune Lift Death : लिफ्ट अडकताच चिमुरड्याची धडपड, पण नियतीचा क्रूर खेळ, पुण्यात ऐन दसऱ्याला पित्याच्या मांडीतच अमेयने जीव सोडला
अमोल ड्रायव्हर म्हणून काम करत होता. तो आई वडिलांचा एकुलता एक मुलगा होता, तर पायल ही गरीब घरातील असून तिला वडील नाहीत.