पंकजा ताईंनी त्यांच्या भाषणात उल्लेख करावा, आजचा दसरा मेळावा अभूतपूर्व आहे. हा मेळावा होण्यासारखी परिस्थिती नव्हती, नद्यांना पूर आला. आम्ही ताईंशी बोललो आणि निर्णय घेतला की काही झालं तरी मेळावा घ्यायचा. मी मंत्री नाही आमदार आहे, पण माझी बहीण मंत्रिमंडळात आहे, शेतकऱ्याचा शेवटच्या टोकापर्यंत शेतकऱ्याला जास्तीत जास्त मदत पंकजा ताई महायुती सरकारकडून मदत मिळवून देतील असा विश्वास मी व्यक्त करतो. दसऱ्याच्या मेळाव्याची परंपरा भगवान गडाचं उद्घाटन स्व. यशवंतराव चव्हाण यांनी मुख्यमंत्री असताना केलं, दिवसापासून आजपर्यंत या मेळाव्यापर्यंत परंपरा आहे. या दसरा मेळाव्याला देशाच्या ऐतिहासिक नकाशावर गोपीनाथ मुंडे साहेबांनी नेलं. आज मला आमच्या बहिणींचा अभिमान वाटतो साहेब गेल्यावरही आज ही परंपरा सुरू ठेवली, असंही धनंजय मुंडे यांनी म्हटलं आहे.
Pankaja Munde : समोर कराड समर्थनाचे पोस्टर, पंकजा मुंडे म्हणाल्या, कुणाचे तुकडे उचलू नका, गुंड पाळू नका
मागच्या दसरा मेळाव्याला मी होतो, त्यातील अनेकजण मागे आता दिसत नाहीत. पुढे निवडणूका नाहीत असं त्यांना वाटतं, एक लक्षात घ्या. इथं आलेला प्रत्येक जातीतला, बाबांचा अनुयायी या सगळ्याला कोण जर संपवायला निघाला असेल तर त्याला दहा जन्मसुद्धा संपवता येणार नाही. बऱ्याच जणांना ऐकायचं आहे, मी बरेच दिवस बोललो नाही. मी विचार केला शांत बसणं बरोबर आहे. काही न करता शिव्या खालल्या पाहिजेत. मी विद्यार्थी चळवळीपासून ज्या-ज्या वेळेस ज्या जातीचा मुद्दा आला त्यावेळी काम करणारा कार्यकर्ता आहे, हे तुमच्यापासून लपलेलं नाही. मराठी आंदोलनाला आरक्षण दिलंय याचा मला आनंद आहे कारण त्या मराठा आंदोलनाच्या चळवळीमध्ये आम्ही होतो. काही जणांना आरक्षणाच्या आड राहून ओबीसीमधून आरक्षण घ्यायचं आहे. ओबीसीचं आता आलेला एमपीएससीच्या निकालाचा कट ऑफ होता ४८५ आणि स्पेशल विकर सेक्शनचा निकाल ४५०, म्हणजे ४५० मार्क इतर समाज म्हणून जे कोणतचं आरक्षण मिळत नाही. जर इकॉनॉमिक विकर सेक्शनमध्ये भरला असता तर ४५० पास पास झालो असतो. प्रमाणपत्र घेऊन ओबीसीत आल्यानंतर ४८० घेतले तरी नापास आहेत. काही ठराविक लोकांना फक्त स्वत:ला खुर्ची मिळावी यासाठी, सरकारने मराठा समाजातील लोकांना आरक्षणासाठी जे करायचं ते केलं आणि करत आहेत. आम्हाला तुम्हाला सांगावं लागणार आहे, आरक्षण दिलंय आमचं म्हणणं काही नाही पण एकाच्या ताटातून घेऊन दुसऱ्याच्या ताटात, शेवटी हा मेळावा विचारांची देवाणघेवाण असल्याचंही मुंडे म्हणाले.