नेमकं काय घडलं?

27 सप्टेंबर रोजी पहाटे साडेपाचच्या सुमारास दोघे मित्र उल्वे रोडवरून पनवेलकडे जात होते. दोघेही आयटी कंपनीत काम करत होते. बाईक अथर्व चालवत होता, तर श्रेयस मागे बसला होता. प्रवासादरम्यान त्यांनी गुगल मॅपवर अवलंबून राहून मार्ग निवडला. मॅपनं उड्डाणपुलाऐवजी थेट खाडीमार्गे जाणारा रस्ता दाखवला. पोलिसांच्या माहितीनुसार तिथे रस्ता बंद असल्याचे दर्शवणारे फलक होते, मात्र दोघांनी ते दुर्लक्षित केले. कारण मॅपवरील दिशेनं त्यांना योग्य वाटत होती. काही क्षणांतच बाईक सरळ खाडीत जाउन कोसळली.
नवी मुंबईत स्पा सेंटरच्या नावाखाली भलताच उद्योग, 6 हजारांच्या बदल्यात…; थायलंडच्या 2 तरुणींसह एकूण 15 जणींची सुटका

वाचलेल्या मित्राचा खुलासा

बचावलेला श्रेयस पोलिसांना सांगतो, “आम्ही गुगल मॅपनं दाखवलेल्या दिशेनं चाललो. फलक दिसले पण आम्हाला वाटलं ते जुने असतील. लक्षात आलं तोपर्यंत रस्ता थेट पाण्यात जात होता. अपघात थांबवण्याची संधीच उरली नव्हती.” पोहता येत असल्यामुळे श्रेयसने कसेबसे किनाऱ्यापर्यंत पोहोचून जीव वाचवला. मात्र अथर्व पाण्यात अडकून बुडाला.

तीन महिन्यांपूर्वी घडली अशीच घटना

ही घटना एकटीच नाही. अवघ्या तीन महिन्यांपूर्वी याच ठिकाणी एका महिलेची गाडी खाडीत बुडाली होती. स्थानिकांचा आरोप आहे की, या रस्त्यावर नेहमीच दिशाभूल होते आणि गुगल मॅपनं सतत चुकीचा मार्ग दाखवला जातो.

प्रशासनाला आता आली जाग?

पोलिसांनी या घटनेनंतर तातडीने बॅरिकेड बसवण्याचे आणि सुरक्षारक्षक तैनात करण्याचे निर्देश दिले आहेत. मात्र प्रश्न अद्याप कायम आहे – गुगल मॅपनं दाखवलेला चुकीचा रस्ता वेळेवर का दुरुस्त होत नाही