मिळालेल्या माहितीनुसार, कोल्हापुरातील हातकणंगले तालुक्यातील भादोले गावात प्रशांत पाटील आणि पत्नी रोहिणी पाटील हे दाम्पत्य आपल्या मुलींसह राहत होते. त्यांचा विवाह आठ वर्षांपूर्वी वाळवा तालुक्यातील ढवळी गावातील रोहिणीशी झाला होता. त्यांना एक सहा आणि एक तीन वर्षांची मुलगी आहे. मात्र गेल्या काही दिवसांपासून या दाम्पत्यामध्ये अंतर्गत वाद सुरु होत होते. प्रशांतचा दुचाकी दुरुस्तीचा व्यवसाय गावी असून, त्यांना दोन मुली आहेत. पत्नी रोहिणीचे वडील आजारी असल्यामुळे ती वारंवार माहेरी ढवळी (ता. वाळवा) येथे जात असे.
Imtiyaz Jaleel in Kolhapur : ‘हा देश कोणाच्या बापाचा नाही….’ इम्तियाज जलील यांचा कोल्हापुरात हल्लाबोल, निवडणुकांबाबत केली मोठी घोषणा

नेमकं काय घडलं?

घटनेच्या दिवशी दुपारी पती-पत्नी दोघे दुचाकीवरुन ढवळीला जाऊन सायंकाळी गावाकडे परत येत होते. रात्री सुमारे आठ वाजता वारणा नदी पुल ओलांडून गावाच्या बाजूला असलेल्या ओढ्यापाशी प्रशांतने गाडी थांबवली. अचानक रोहिणीच्या डोळ्यात चटणी टाकली आणि कोयत्याने तिच्यावर सपासप वार केले. रोहिणीने बचावाचा प्रयत्न केला, पण अचानक घडलेल्या घटनेमुळे आणि मिट्ट काळोख असल्यामुळे रोहिणीला स्वतःला वाचवता आले नाही. तर निर्मनुष्य ठिकाण असल्याने तिच्या मदतीला देखील कोणी धावून आले नाही. स्वतःला वाचवण्यासाठी तिने हातावरही कोयत्याचे वार झेलले. मात्र प्रशांतने त्वेषाने केलेल्या वारांमुळे तिचा घटनास्थळीच मृत्यू झाला. रोहिणीच्या मृतदेहावरच कोयता टाकून प्रशांत घटनास्थळावरून पसार झाला.
Kolhapur News : खेळताना पाण्याने भरलेल्या गटारीत दोन सख्खे भाऊ कोसळले, मोठ्याचा करुण अंत; दुसऱ्याचा…; कोल्हापूर हळहळलं

आधी फरार, नंतर अटक..

रोहिणीची हत्या केल्यानंतर प्रशांतने घरी जाऊन आपल्या पत्नीचा खून केल्याची माहिती कुटुंबियांना दिली आणि तेथून तो पळून गेला. कुटुंबीयांना हे ऐकून धक्काच बसला आणि त्यांनी तातडीने घटनास्थळी धाव घेतली. माहिती मिळताच पोलिस निरीक्षक प्रमोद शिंदे यांच्या नेतृत्वाखाली वडगाव पोलिसही घटनास्थळी दाखल झाले. पोलिसांनी तात्काळ तपासाची आणि प्रशांतला शोधण्यास सुरुवात केली. शोध घेऊन संशयित आरोपी प्रशांत याला रात्री उशिरा पोलिसांनी ताब्यात घेतल्याची माहिती मिळाली आहे. या घटनेची नोंद वडगाव पोलिसांत झाली आहे. असून मृतदेहाचा पंचनामा पूर्ण करून उत्तरीय तपासणीसाठी पारगाव ग्रामीण रुग्णालयात पाठविण्यात आला.
Kolhapur News : कोल्हापुरात मुसळधार पावसाचा इशारा; घाटमाथ्यावर ‘ऑरेंज अलर्ट’, अंबाबाईच्या दर्शनासाठी आलेल्या भक्तांची तारांबळ

गावामध्ये हळहळ आणि संताप

घटनेची माहिती मिळताच रोहिणीच्या ढवळी गावातील शेकडो नातेवाईक आणि ग्रामस्थांनी भादोलेला धाव घेतली. संशयित आरोपीच्या दुचाकी गॅरेजसमोर संतप्त जमावाने निषेध व्यक्त केला. दोन लहान मुली आईचे छत्र हरपून अनाथ झाल्याने गावात संतप्त भावना पाहायला मिळाल्या.
Kolhapur Madhuri Elephant : मोठी बातमी! माधुरी हत्तीण नांदणीत परतणार; 6 ऑक्टोबरपर्यंत संयुक्त आराखडा सादर करण्याचे आदेश, सुनावणीत काय घडलं?
पोलिसांकडून सुरुवातीला तपासात कौटुंबिक वाद, वारंवार माहेरी जाण्याची समस्या, सामाजिक दबाव यावर चर्चा सुरु आहे. मात्र प्रशांतने आपल्याच पत्नीची अशा क्रूर पद्धतीने हत्या का केली, याचे नेमके कारण अजूनही अज्ञात आहे, त्यामुळे पोलिस खोलवर तपास करत आहेत. दरम्यान ही घटना गावासह जिल्ह्याला हादरवून सोडणारी ठरली असून. दोन मुलींच्या भवितव्यावर धक्का बसला आहे. तर एका साध्या सरळ दिसणाऱ्या प्रशांतने हे असे भयानक पाऊल उचलल्याने स्थानिक वातावरण अजून तणावपूर्ण आहे.