राज्यात परतीच्या पावसाने अनेक भागात पूरस्थिती निर्माण झाली आहे. मराठवाडा, विदर्भात मुसळधार पावसाने शेतीसह घरांचंही मोठं नुकसान झालं आहे. परतीच्या पावसाच्या तडाख्यात शेतकऱ्याच्या हाता-तोंडाशी आलेला घास हिरावला गेला असून उभी पिकं पावसात भिजून खराब झाली आहेत. शेकडो हेक्टरवरील पिकं जमिनदोस्त झाली आहेत. आता लवकरात लवकर नुकसान भरपाई मिळावी अशी बळीराजाला अपेक्षा आहे.