सामंत पुढे म्हणाले की, ‘आमच्याकडे पहिल्यांदा सेकंड हॅन्ड फियाट होती. त्यानंतर पहिली गाडी आमच्याकडे मारुती 8-100 आली. आम्ही ज्यावेळी उद्योगधंद्यामध्ये आलो त्या वेळेला वडिलांनी सांगितलं की, तुम्हाला दोन्ही भावांना गाडी घेऊन द्यायची आहे. आम्ही मोठ मोठ्या गाड्यांची नावे सांगितली, पण आमचे वडील म्हणाले नाही, की माझा फक्त विश्वास मारुती सुझुकीवर आहे. जेव्हा तुम्ही कमवायला लागाल त्यावेळेला काय ती इम्पोर्टेड गाडी घ्या, पण मी तुम्हाला गाडी घेऊन द्यायची असेल तर ती मारुती कारच घेऊन देणार, आणि वडिलांनी आम्हाला मारुती कार घेऊन दिली. तुमच्या सगळ्या आशीर्वादाने उद्योगधंदा मोठा झाल्यानंतर आमच्याकडे बऱ्यापैकी कार आहेत. पण त्या कारमधून कधी आमचे अण्णा फिरले नाहीत. ते नेहमी मारुती कार मधूनच फिरायचे म्हणजे आम्ही त्यांना गमतीने कधीकधी त्यांना सांगायचो की त्याची आता डेक्कनच्या विमानासारखी परिस्थिती झाली आहे. पण ते नेहमी सांगायचे सगळ्यात सुरक्षित गाडी कोणती आहे तर ती मारुती कंपनीची आहे. म्हणून मारुतीचं अस्तित्व हे माझ्यासारखा कार्यकर्ता समजून घेणार आहे’, असे गौरवउद्गार त्यांनी यावेळी व्यक्त केले.

Pune News: सायकलला जोरदार धडक, वृद्ध डंपरखाली चिरडले गेले, घटनेने बारामतीकरांमध्ये संतापाचं वातावरण

‘आपल्या जिल्ह्यामध्ये 63% कार मारुती कंपनीच्या कार रस्त्यावर आहेत, आणि आपण देशाचा जर विचार केला तर 50% पेक्षा जास्त कार या मारुती कंपनीच्या रस्त्यावर धावणाऱ्या आहेत.’ ‘राजकारणामध्ये व धंद्यामध्ये नवीन येणाऱ्या पिढीवर असलेली पिढी आक्रमण करते हा सगळ्यांचा अनुभव आहे. म्हणजे मी ज्या वेळेला राजकारणामध्ये सुरुवात केली त्यावेळेला अगोदरचे कोण नेते असतील तर त्यांना नेहमी वाटायचं की याला जास्त भाषण करायला दिले तर हा आपल्या पुढे जाईल. पण इथे तर अशी परिस्थिती नाही. आदित्य राजकारणात नाही त्यामुळे तो कितीही बोलला तरी मला काही फरक पडणार नाही,’ असं मिश्किल विधान सामंत यांनी केलं. पण त्याची मानसिकता किती चांगली आहे पहा, त्याने कर्मचाऱ्यांचाही उल्लेख केला मालक हा स्वतःच्या ताकदीवर कधी मोठा होत नसतो. पण जागृतचे मालक राजू जोशी व कुटुंबामध्ये कर्मचाऱ्यांचाही सन्मान करण्याची दानत या कुटुंबामध्ये आहे. मोबाईल व गुगलच्या आक्रमणामध्येही आदित्यसारखी नवी पिढी ही आपल्याला ज्यांनी मोठं केलं त्यांच्याबद्दल चांगलं बोलतात. हाच खऱ्या अर्थाने रत्नागिरीचा व जोशी कुटुंबियांचा संस्कार आहे’, अशा शब्दात पालकमंत्र्यांनी कौतुक केले.