तरुणावर हल्ला झाल्याच्या घटनेची माहिती मिळताच पोलीस घटनास्थळी दाखल झाले. वर्चस्ववादातून हा खून झाल्याचा प्राथमिक अंदाज आहे. याप्रकरणी प्रथमेश ढेरे, विशाल शिरोळे, सर्फराज सय्यद आणि प्रतीक चव्हाण तीन ते चार जणांच्या विरोधात गुन्हा दाखल करण्यात आला आहे. पोलीस आरोपींचा शोध घेत आहेत. संशयित आरोपी प्रथमेश ढेरे,विशाल शिरोळे, सर्फराज सय्यद ये तिघेजण रेकॉर्डवरील गुन्हेगार आहेत. यापूर्वी यांच्यावर गंभीर गुन्हे दाखल आहेत.

Panvel News : ‘पहिला मी जाणार…’; रात्रीच्या वेळी मुंब्रा पनवेल महामार्ग ठप्प, अजगराच्या एन्ट्रीने सगळेच गपगार, Video व्हायरल

आरोपींनी बेकायदेशीर जमाव जमवून फिर्यादी ऋषिकेश कलगुटगीचा भाऊ रोहन याच्यावर तीन महिन्यापूर्वी वार करत त्याला जीवे ठार मारण्याचा प्रयत्न केला होता. त्यावेळी फिर्यादीचा मामा यातील मयत निखिल कलगुटगी याने फिर्यादीस मदत केल्याचा राग मनात धरून गणेश तलावापासून तानाजी चौकाकडे जाणाऱ्या रोडच्या फुटपाथच्या जवळ वरील आरोपींनी त्या ठिकाणी अचानक येऊन धारदार हत्याराने वार करून फिर्यादीचा मामा निखिल कलगुटगी याचा गंभीर वार करून खून केला, असा संशय पोलिसांना आहे.

दरम्यान, याच कारणातून खून झाला की या हल्ल्यामागे अन्य कोणतं कारण आहे का याचाही पोलीस शोध घेत आहेत. खुनाच्या घटनेनं मिरज शहरात खळबळ उडाली असून आरोपींवर कठोर कारवाई करण्याची मागणी शहरातील नागरिकांकडून केली जात आहे.