या प्रकरणी मिळालेल्या अधिक माहितीनुसार, राहुल पतंगे या युवकाने मराठा आरक्षणाच्या निर्णयामुळे गळफास घेतल्याचे सांगण्यात येत आहे. राहुल पतंगे यांनी बीड शहरातील खंडेश्वरी परिसरात झाडाला गळफास घेतला. या परिसरात काही युवकांना झाडाला लटकलेल्या अवस्थेत मृतदेह आढळल्याने त्यांनी तात्काळ पेठ बीड पोलीस ठाण्यात माहिती दिली.
Beed Flood: माझं लेकरु गेलं; बीडमध्ये डोळ्यादेखत पोरगा पुरात वाहून गेला, आईचा काळीज धस्स करणारा आक्रोश
या घटनेची माहिती मिळताच पोलिसांनी तात्काळ घटनास्थळी धाव घेत घटनेचा पंचनामा केला. मृतदेहाला खाली उतरवण्यात आलं. यावेळी मयत राहुल पतंगे यांच्या खिशात एक चिठ्ठी सापडली आहे. त्या चिठ्ठीत त्याने ‘ओबीसी नेत्यांच्या पाठीशी उभे राहा,’ असं लिहिले असल्याचं आढळून आल्याने एकच खळबळ उडाली आहे. मराठा आरक्षणाच्या निर्णयामुळे ओबीसी युवकाने हाताश होऊन गळफास घेत आपले प्राण त्यागाले असल्याने चर्चेला उधाण आलं आहे.

राहुल पतंगे याचे कुटुंबीय देव दर्शनासाठी नाशिक येथे गेले असल्याने तो एकटाच घरात होता. राहुल पतंगे हा कपड्याच्या दुकानात काम करत होता. त्याच्या पश्चात पत्नी, दोन मुलं, आई-वडील असा परिवार आहे. राहुल याची घरची गरीब परिस्थिती, त्यात आता ओबीसी आरक्षण राहणार नाही, असं त्याला वाटलं. त्यामुळे त्याने हे टोकाचं पाऊल उचललं आहे.

सध्या त्याच्या घरचे लोक अद्याप नाशिक येथून आले नसल्याने पोलिसांनी त्याच्या मृतदेहास रुग्णालयात ठेवले आहे. तोवर या विषयी फक्त आकस्मिक मृत्यूची नोंद केली असल्याचं सांगण्यात येत आहे. त्यांच्या नातेवाईक आणि मित्र परिवाराने माध्यमांशी बोलताना त्याने हे टोकाचे पाऊल केवळ आरक्षणाच्या मुद्यावर उचलले असल्याचे सांगितले आहे. याचा पुढील तपास पेठ बीड पोलिस करत असल्याचे सांगण्यात येत आहे.