शिवशंकर कुमार पासवान (वय २६) यांनी तक्रार दिली होती की, त्यांची मुलगी कशीश (वय ३) ही २२ सप्टेंबर रोजी सायंकाळी पाचच्या सुमारास अचानक बेपत्ता झाली. संशयित म्हणून प्रिन्स पॉल (२५) आणि ओमनारायण पासवान (२०, दोघेही रा. लेबर कॅम्प, म्हाडा कॉलनी, विमाननगर, मूळगाव बिहार) यांची नावे पुढे आली. कामावरून काढून टाकल्याचा राग काढण्यासाठीच त्यांनी मुलीचे अपहरण केले असावे, असा संशय तक्रारदारांनी व्यक्त केला.
Surendra Pathare : फडणवीसांचा पवारांना दे धक्का, बड्या नेत्याचा मुलगा भाजपात प्रवेश करण्याची चर्चा, पुण्यात फाईव्ह स्टार हॉटेलात बैठक
तक्रार दाखल होताच वरिष्ठ पोलीस निरीक्षक गोविंद जाधव यांच्या मार्गदर्शनाखाली उपनिरीक्षक नितीन राठोड, एपीआय संतोष शिंदे आणि शिरसाट यांच्या नेतृत्वात दोन विशेष पथके तयार करण्यात आली. लेबर कॅम्प परिसरातील सीसीटीव्ही फुटेज व आरोपींच्या मोबाईल लोकेशनच्या आधारे शोधमोहीम सुरू झाली. तपासात आरोपींचे लोकेशन प्रथम तळेगाव दाभाडे, त्यानंतर लोणावळा आणि पुढे रेल्वे मार्गावर आढळले.
‘मला कशाला अडचणीत आणता’, रोहित पवारांच्या प्रश्नावर युगेंद्र पवारांची प्रतिक्रिया
दरम्यान, आरोपी इंद्रायणी एक्सप्रेसने प्रवास करत असल्याचे स्पष्ट होताच रेल्वे पोलिसांना तातडीने कळवण्यात आले. संयुक्त कारवाईत कल्याण रेल्वे स्थानकावर दोन्ही आरोपींना पकडण्यात आले आणि चिमुकली कशीश हिला सुखरूप पालकांच्या ताब्यात देण्यात आले. या प्रकरणी विमानतळ पोलीस ठाण्यात गुन्हा नोंदविण्यात आला असून पुढील तपास सहायक पोलीस निरीक्षक प्रशांत माने करत आहेत.