उल्हासनगरमध्ये सोशल मीडियावर एक व्हिडिओ चांगलाच व्हाययरल झाला आहे. या व्हिडिओमध्ये दिसून येते की, प्री स्कूलमध्ये एका चिमुकल्याला कविता शिकवताना शिक्षिका टाळ्या वाजवायला सांगते. मात्र चिमुकला टाळ्या वाजवत नाही. व्हिडिओमध्ये दिसत आहे की, शिक्षिकेने या चिमुकल्याला एकदा दोनदा नाहीतर तीनदा मारहाण केली. शेवटी हा चिमुकला शिक्षिकेचा हात पकडतो आणि तिला रोखतो. यामुळे चिमुकल्याची भयभीत झालेला दिसतो. हा व्हिडिओ व्हायरल झाल्यानंतर उल्हासनगर पोलिसांनी तपास सुरू केला. हा व्हिडिओ उल्हासनगर परिसरातील एक्सीलेंट किल्ड वर्ल्ड या प्री-स्कूलच्या असल्याचे समोर आले आहे.

दरम्यान, व्हिडिओची सत्यता समोर आल्यानंतर या प्रकरणात विठ्ठलवाडी पोलिसांनी शिक्षिका गायत्री पात्रा विरोधात बाल संरक्षण कायदा (75) नुसार गुन्हा दाखल करण्यात आला आहे. पोलिसांनी पुढील तपास सुरू केला आहे. मात्र या प्रकरणामुळे पालक आणि नागरिकांमध्ये संतापाची लाट पसरली आहे.

चार दिवसांपूर्वी अशीच एक संतापजनक घटना नागपुरातून समोर आली होती. केवळ शाळा परिसरातील कचरा उचलण्यास मनाई केल्याने शिक्षिकेने दोन विद्यार्थिनींना बेदम मारहाण केली होती. नागपुरच्या कोंढाळी पोलिस ठाण्याच्या हद्दीतील बाजारगाव येथील जिल्हा परिषद शाळेत ही घटना घडली. घटनेमुळे पालक संतप्त झाले. याप्रकरणी पोलिसांनी शिक्षिकेविरूद्ध मारहाणीसह विविध कलमान्वये गुन्हा दाखल केला. मनीषा चौधरी वय ३५ ,असे गुन्हा दाखल करण्यात आलेल्या शिक्षिकेचे नाव होते. दहा वर्षीय दोन विद्यार्थिनींना या मारहाण कऱण्यात आली होती.