पोलिस कोठडी सुनावण्यात आलेल्यांमध्ये मयूर गुलाब कुंबरे, मयंक विजय व्यास, गणेश सतीश राऊत, दिनेश राम फाटक व आनंद अनिल चादळेकर यांचा समावेश आहे. गुरुवारी मध्यरात्री आरोपी दुचाकीवरून आपल्या एका मित्राला सोडविण्यासाठी आले होते. त्या वेळी रस्ता न दिल्याच्या किरकोळ कारणावरून त्यांचा आकाश मधुकर धुमाळ (वय ३६, रा. कोथरूड) यांच्याशी वाद झाला. या वादादरम्यान मयूर कुंबरे याने पिस्तूल काढून थेट गोळीबार केला. गोळी धुमाळच्या मांडीला लागल्याने तो गंभीर जखमी झाला. घटनेनंतर आरोपी थोड्याच अंतरावर गेले आणि तिथे उभ्या वैभव तुकाराम साठे (वय १९, रा. सागर कॉलनी, कोथरूड) याच्याशी वाद घालून त्याच्यावर कोयत्याने वार केले.
Pune Firing : धाड..धाड..धाड…! पुण्यातील कोथरूडमध्ये गोळीबार, गँगस्टर निलेश घायवळच्या पोरांनी… रात्रीचा थरार
या दोन्ही घटनांप्रकरणी कोथरूड पोलिस ठाण्यात खुनाचा प्रयत्न केल्याप्रकरणी दोन स्वतंत्र गुन्हे दाखल आहेत. अटक आरोपींना शुक्रवारी न्यायालयात हजर करण्यात आले.पोलिसांनी आरोपींचा गुन्हा करण्यामागील उद्देश, त्यांचे इतर साथीदार, तसेच पिस्तूल जप्त करणे आवश्यक असल्याचे सांगत कोठडीची मागणी केली. न्यायालयाने ती मान्य करून २५ सप्टेंबरपर्यंत पोलिस कोठडी सुनावली. आरोपींनी गुन्ह्यात वापरलेले पिस्तूल कसे मिळवले आणि टोळीतील इतर सदस्यांचा यात सहभाग आहे का, याची चौकशी निर्णायक ठरणार आहे.
Pune Firing : पुण्यातील कोथरूड गोळीबार प्रकरणात मोठा ट्विस्ट, गोळी लागली तरीही पाण्याच्या टाकीवर चढला अन्… पोलिसांकडून नवीन माहिती समोर

लोकप्रतिनिधींचे मौन

कोथरूड येथे कुख्यात नीलेश घायवळ टोळीच्या गुंडांनी एकाच रात्रीत दोन सामान्य नागरिकांवर हल्ला केल्याची घटना घडली. घटनेला दोन दिवस उलटल्यानंतरही या प्रकरणी शहरातील एकाही लोकप्रतिनिधीने याबाबत अवाक्षर काढलेले नसल्याचे दिसून येते. लोकप्रतिनिधींचे मौन नेमके का, असा प्रश्न उपस्थित होत आहे.