Nilesh Ghaywal Gang : बुधवारी मध्यरात्री साडेबाराच्या सुमारास कोथरूड पोलिस ठाण्यापासून हाकेच्या अंतरावर मुठेश्वर मंडळाजवळ ही धक्कादायक घटना घडली
गोळीबारात प्रकाश धुमाळ (वय ३६, रा. कोथरूड) हे गंभीर जखमी झाले असून, त्यांच्यावर खासगी रुग्णालयात उपचार सुरू आहेत. कोयत्याच्या हल्यात वैभव तुकाराम साठे (वय १९, रा. सागर कॉलनी, कोथरूड) हा तरुण जखमी झाला आहे. या प्रकरणी खुनाचा प्रयत्न केल्याप्रकरणी गुन्हे दाखल करण्यात आले आहेत. यामध्ये मयूर गुलाब कुंबरे, मयंक विजय व्यास, गणेश सतीश राऊत, दिनेश राम फाटक, आनंद अनिल चादळेकर यांना अटक करण्यात आली असून, अन्य एक जणाचा पोलिस शोध घेत आहेत.
बुधवारी मध्यरात्री साडेबाराच्या सुमारास मुठेश्वर मंडळाजवळ ही धक्कादायक घटना घडली. प्रकाश धुमाळ आपल्या मित्रांसोबत उभे असताना आरोपी तेथून जात होते. आरोपींना जाण्यासाठी रस्ता न दिल्याच्या किरकोळ कारणावरून वाद वाढला आणि आरोपींनी धुमाळ यांना मारहाण सुरू केली. दरम्यान, मयूर कुंबरेने पिस्तूल काढून थेट गोळी झाडली. गोळी धुमाळ यांच्या मांडीवर लागली. गोळीबारानंतर आरोपी पळून गेले. जखमी अवस्थेत धुमाळ यांनी जीव वाचवण्यासाठी शेजारच्या गल्लीत धाव घेतली. त्या वेळी स्थानिक नागरिकाने त्यांना मदत केली. त्यानंतर ते सह्याद्री रुग्णालयात गेले.
Mumbai Crime : दादाने आयुष्य संपवलं, बहिणीने इन्स्टा चॅट उघडलं, मुंबईतील घटनेचा 8 महिन्यांनी भयंकर उलगडा, प्रेयसीने…
पंधरा मिनिटांत दुसरा हल्ला
मुठेश्वर मंडळापासून टोळके पसार झाल्यानंतर केवळ १५ ते २० मिनिटांतच टोळीने पुन्हा एकदा दुसऱ्या ठिकाणी हल्ला केला. हे टोळके येथील सागर कॉलनी परिसरात पोहोचले आणि तेथे उभ्या असलेल्या वैभव साठे या युवकावर त्यांनी कोणतेही कारण नसताना कोयत्याने वार केले.
२०२३ ला PSI म्हणून निवड, पण अजुनही नियुक्ती नाही? MPSC विद्यार्थ्यांच्या डोळ्यांत अश्रू
‘आम्ही या भागाचे भाई आहोत,’ असे म्हणून त्यांनी परिसरात दहशत माजवली. त्यानंतर आरोपी पसार झाले. नीलेश घायवळ टोळीच्या गुंडांनी रस्त्याने जाणाऱ्या सामान्य तरुणांना लक्ष्य करून सरळसरळ हल्ला केला. किरकोळ वादातून त्यांनी पिस्तूल आणि कोयत्यासारखी प्राणघातक शस्त्रे वापरली, ही धक्कादायक बाब आहे. दरम्यान, गजानन मारणे टोळीनेदेखील काही महिन्यांपूर्वी एका तरुणाला रस्त्यात बेदम मारहाण केली होती.Pune Crime : चल खेळायला जाऊ, 17 वर्षांच्या तरुणाने 13 वर्षीय विद्यार्थ्याला झाडाजवळ नेलं, बाणेरमध्ये अत्याचाराचा प्रयत्न
गोळीबार झाले ते मुठेश्वर मंडळाचे ठिकाण कोथरूड पोलिस ठाण्यापासून हाकेच्या अंतरावर आहे; पण गोळीबार झाल्यानंतर पोलिस घटनास्थळी सुमारे अर्ध्या तासानंतर पोहोचल्याचे प्रत्यक्षदर्शी नागरिकाने सांगितले.
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा