नाशिक ग्रामीण पोलीस अधीक्षक बाळासाहेब पाटील आणि अप्पर पोलीस अधीक्षक आदित्य मिरखेलकर यांच्या सूचनेनुसार ही कारवाई करण्यात आली. पोलीस निरीक्षक सारिका अहिरराव यांना मिळालेल्या गुप्त माहितीच्या आधारे, 15 सप्टेंबर 2025 रोजी सायंकाळी इगतपुरी येथील मीनाताई ठाकरे संकुलात हे कॉल सेंटर चालत असल्याचं उघड झालं. तपासणी केली असता, हे कॉल सेंटर कर्जवसुलीसाठी कायदेशीर प्रक्रिया न वापरता, बनावट ओळख धारण करून धमकावण्याचे कॉल करत असल्याचं निष्पन्न झालं. यात कर्ज खातेदार तसेच त्यांच्या नातेवाईकांनाही लक्ष्य केलं जात होतं.

Beed News : ‘OBC समाजाचं आरक्षण गेलं, दोन-तीन दिवसांपासून तणावात’; मुलाची माहिती, बीडमध्ये शेतकऱ्यानं आयुष्य संपवलं

याप्रकरणी पोलिसांनी नरेंद्र शशिकांत भोंडवे (वय 32) आणि पारस संजय भिसे (वय 26) या दोन मुख्य सूत्रधारांना अटक केली आहे. त्यांना पोलीस कोठडी सुनावण्यात आली आहे. कारवाईदरम्यान पोलिसांनी कॉम्प्युटर, लॅपटॉप, मोबाईल फोन आणि सिमकार्ड असा मोठा मुद्देमाल जप्त केला आहे. या कॉल सेंटरमध्ये 40 ते 50 कर्मचारी काम करत असल्याचं आढळून आलं असून, ते बेकायदेशीरपणे कर्जदारांचा वैयक्तिक डेटा गोळा करत होते. या कॉल सेंटरकडे कोणताही वैध परवाना नव्हता.

Buldhana News : पोटच्या गोळ्याला प्लॅटफॉर्मवर सोडलं, स्वत: रेल्वेसमोर उडी घेत आईनं आयुष्य संपवलं; मन हेलावणारी घटना

सदर कॉल सेंटर आर.बी.एल, एच.डी.बी फायनान्स आणि ग्रो फायनान्स यांसारख्या कंपन्यांसाठी कर्ज वसुलीचं काम करत असल्याचं समोर आलं आहे. पुढील तपास सायबर पोलिस स्टेशनचे पोलिस निरीक्षक नागेश मोहिते करत आहेत. ही संयुक्त कारवाई पोलिस अधीक्षक बाळासाहेब पाटील यांच्या मार्गदर्शनाखाली उपविभागीय पोलिस अधिकारी हरीष खेडकर यांच्या सूचनेनुसार करण्यात आली आहे. दरम्यान, या घटनेमुळे इगतपुरीसह नाशिकमध्ये देखी खळबळ उडाली आहे.