सुषमा अंधारे यांची फेसबुक पोस्ट काय?

ईडीच्या धाकाने 40 लोक निघून गेले. ज्याच्यावर अगदी भावासारखा विश्वास टाकला, त्यानेच नेता मरणासन्न अवस्थेत असताना गद्दारी करत सत्ता बळकावली. स्वायत्त यंत्रणांचा दुरुपयोग करत आधी साथीदार, मग पक्षाचे नाव, मग चिन्ह एकेक करून त्यांनी सगळं काढून घेतलं. पण तरीही शिवसेना संपत का नाही? या चार अक्षरी शब्दांमध्ये अशी काय ताकद आहे की त्यांनी कितीही वेळा खुडून काढायचा प्रयत्न केला तरी नवीन धुमारे पुन्हा पुन्हा फुटत राहतात तर त्याचं कारण परशुराम जाधव यांच्यासारखे निष्ठावंत लोक. परशुराम जाधव. अत्यंत सामान्य आर्थिक स्थिती असणारा गेली 30 वर्ष शिवसेनेला आयुष्य वाहून घेतलेला निष्ठावंत शिवसैनिक. गेली तीन महिने परशुराम जाधव यांचे सुपुत्र प्रताप जाधव वय वर्ष 32 हे मृत्यूशय्येवर होते. घरातली आर्थिक ओढाताण. मुलाचं आजारपण. लग्नाच्या चार वर्षानंतर सुनबाईला दिवस गेलेले. ती पाच महिन्याची गरोदर. सबंध कुटुंबाचा डोलारा परशुराम जाधव यांच्या अंगावर. अन् त्यातच बीड सारख्या अत्यंत संवेदनशील जिल्ह्याच्या संपर्कप्रमुख पदाची जबाबदारी.
Uddhav Thackeray : तातडीने माहिती काढा आणि मला कळवा; ‘मातोश्री’वरील हायव्होल्टेज बैठकीत उद्धव ठाकरेंचा एक प्रश्न, म्हणाले नंतर घोळ व्हायला नको…
10 आणि 11 तारखेला पक्षाने तातडीची बैठक बीडमध्ये बोलावली. नेते अंबादास दानवे यांच्या अध्यक्षतेखाली ही बैठक होणार होती. खरंतर परशुराम जाधव या बैठकीला उपस्थित नाही राहिले तरी पक्षात त्यांना कोणीही बोल लावला नसता मात्र पक्षाने अत्यंत विश्वासाने आपल्यावर जबाबदारी टाकली आणि आपण त्याला बांधील आहोत. कुटुंबातल्या कुठल्याही अडचणींना पुढे करत आपण या जबाबदारीपासून पळ काढू शकत नाही, ही कर्तव्यनिष्ठा त्यांच्या ठाई. रातोरात ते मुंबईहून बीडच्या बैठकीसाठी पोहोचले तब्बल दोन दिवस बैठकीसाठी वेळ दिला. मुलगा अक्षरशः व्हेंटिलेटर वर होता!

12 तारखेला 700 किलोमीटरचा प्रवास करून ते पुन्हा मुंबईमध्ये पोहोचले. 13 तारखेला प्रतापने प्राण सोडला. जणू आपल्या वडिलांचा निरोप घेण्यासाठीच तो थांबला होता!
Maharashtra Politics : युतीच्या चर्चेत राज ठाकरेंचं पारडं जड? उद्धव ‘दादू’ बॅकफूटवर जाण्याची चिन्हं, तो मुद्दा ठरणार गेमचेंजर
त्यांच्या घरी सांत्वन भेटीसाठी म्हणून गेले होते. अत्यंत साधारण परिस्थितीतलं कुटुंब. कुठलाही पुढारीपणाचा बडेजाव नाही. लेकी सुना , भाऊ, भावजया मुंबईसारख्या ठिकाणी पंधरा-वीस लोकांचे हे कुटुंब. आजूबाजूला जमलेले नातेवाईक सुद्धा सगळे अत्यंत कष्टकरी लोक. जिचा नवरा गेलाय ती पाच महिन्याची पोटूशी सून बाळ. अशा लोकांचे आपण सांत्वन तरी काय आणि कुठल्या शब्दात करावं?

लाखो करोडो रुपये खर्च करण्याची क्षमता असणाऱ्यांमुळे शिवसेना उभी नाही. प्रसंगी आपल्या कुटुंबाला सुद्धा बाजूला ठेवत पक्षाला प्राधान्यक्रम देत या पक्षासाठी अहोरात्र काम करणाऱ्या परशुराम जाधव सारख्या लोकांमुळे शिवसेना उभी आहे. दादा आम्हाला तुमचा सार्थ अभिमान आहे. जेव्हा कधी माझ्यात काही करण्याची क्षमता निर्माण होईल तेव्हा माझी पहिली जबाबदारी असेल अशा सगळ्या अत्यंत कष्टाळू आणि प्रामाणिक लोकांच्या साठी ताकदीने उभं राहणं.