मिताली सुहास पाटील (वय ६०) राहणार जळगाव असं अपघातात मयत झालेल्या महिलेचे नाव आहे. तर सुहास राजाराम पाटील (वय ६५), योगेश नारायण ओसवाल (वय ४९) असं जखमीचं नाव आहे. या प्रकरणी अधिक माहिती अशी की, जळगाव जिल्ह्यातील सुहास पाटील हे पत्नी मिताली यांना घेऊन एम.एच ०३ ए.डब्ल्यू २२६१ या क्रमांकाच्या कारने जळगाव कडे चालकासह जात होते. रात्री साडेआठ वाजेच्या सुमारास पाटील दाम्पत्याची गाडी अजिंठा घाटात पोहोचली याच वेळी जालना येथून लोखंडी सळ्या घेऊन जाणाऱ्या ओव्हरलोड ट्रेलर एम.एच २१ बी.एन ४९१६ पाठीमागून आला.
Solapur News : आधी सुनेने रेल्वेखाली आयुष्य संपवलं, नंतर मुलाचंही टोकाचं पाऊल; आठ महिन्यांनी आईचं भयंकर कृत्य, कुटुंबावर शोककळा
या ट्रेलर चालकाचे वाहनावरील नियंत्रण सुटले. ओव्हरलोडेड ट्रेलरने पाटील दाम्पत्याच्या कारला पाठीमागून जोराची धडक दिली. या भीषण अपघातात कार ट्रक खाली दबली गेली. यात मिताली पाटील यांचा जागीच मृत्यू झाला तर सुहास पाटील व चालक योगेश हा कारमध्ये अडकला होता. नागरिकांनी तात्काळ त्यांना दोघांना बाहेर काढत सोयगाव येथील ग्रामीण रुग्णालयात दाखल केले. यावेळी डॉक्टरांनी मिताली पाटील यांना तपासून मृत घोषित केले. तर सुहास पाटील योगेश ओसवाल यांच्यावर रुग्णालयात उपचार सुरू आहे. या भीषण अपघातानंतर रस्त्यावर वाहतूक कोंडी झाली होती. क्रेनच्या सहाय्याने दोन्ही वाहनांना रस्त्याच्या बाजूला घेत वाहतूक सुरळीत करण्यात आली. या प्रकरणी पोलिसांना नोंद करण्यात आली असून पुढील तपास पोलीस करीत आहेत.