“मराठा समाज आता ओबीसी समाजात आला आहे. आता तुमच्यात आणि आमच्यात आंतरजातीय विवाह झाला पाहिजे. तुम्ही आता पहिल्यांदा 11 विवाह जाहीर करा. आमच्याकडे 11 पोरं तयार आहेत. आमच्या 11 पोरांसोबत मराठ्यांच्या पोरींचा विवाह जाहीर करा,” असं लक्ष्मण हाके म्हणाले होते. हाके यांच्या या वक्तव्यानंतर राज्यभरात वातावरण तापलं असून त्यांच्यावर मोठ्या प्रमाणात टीका सुद्धा होत आहे. आता लक्ष्मण हाके यांनी आपल्या या वक्तव्यावर स्पष्टीकरण दिलं आहे.

Bapu Bhegade : भाजपने गेम फिरवला, अजित पवारांना होमपिचवरच धोबीपछाड, पुण्यातील चर्चेतला नेता ‘कमळ’ हाती धरणार

“आंतरजातीय विवाहचा प्रस्ताव मांडला तर शिव्यांची लाखोली वाहिली जाते, शाहूंचे वारसदार व्हायला तुम्हाला शंभर जन्म घ्यावे लागतील. शाहूंनी त्यांच्या भगिनींचा विवाह होळकरांच्या घरात लावून दिला होता, 100 वर्षांपूर्वी तो विचार होता. आज असा विचार मांडला तरी मारून टाकण्याची धमकी दिली जाते. धन्य ते महात्मा फुले – शाहू राजे – बाबासाहेब. जातीयवादाचा नाग हा फक्त बिळातून बाहेर काढण्यासाठी मी हे वक्तव्य केलं होतं. त्यांचा पुरोगामी पुरोगामी म्हणवून घेत बहुजन बांधवांचे शोषण करणारा काळाकुट्ट चेहरा महाराष्ट्र समोर मांडायचा होता, उघडा पाडायचा होता, दाखवायचा होता,” असा दावा लक्ष्मण हाके यांनी केला आहे.

मागासलेपण (OBC) मागून मिळत नसते तर ते जन्माने येते, त्या-त्या मागास जातीत जन्म झाल्याने आमच्या पिढ्यानी शेकडो वर्षे सामाजिक भेदभाव सहन केला, आमची माणसं खोट्या जातवर्चस्व भावनेसाठी मारली गेली. नितीन आगे, खैरलांजी, माऊली सोट सारखे शेकडो बळी जातवर्चस्वासाठी घेतले. तुम्हाला सामाजिकदृष्ट्या मागास (OBC) व्हायचे आहे ना तर मग सामाजिक मागासांचे हार्डल्स पार करावे लागतील ना. शिव्या देऊन, जीवे मारण्याची धमकी देऊन कसे चालेल बरं?” असं देखील हाके म्हणाले आहेत.