कसा आहे हरेश केणी यांचा राजकीय प्रवास?

पनवेल पालिकेचे विरोधी पक्षनेते प्रितम म्हात्रे यांनी विरोधी पक्षनेते पद सोडण्यास नकार दिल्यामुळे नाराज झालेल्या हरेश केणी यांनी शेकाप नेत्यांना मोठा धक्का दिला होता. पाच वर्षांपूर्वी नगरसेवक हरेश केणी यांनी समर्थक नगरसेवक शितल केणी, जयश्री म्हात्रे, पापा पटेल आणि बबन मुकादम या नगरसेवकांसह भाजपवासी झाले.
Uddhav Thackeray : तातडीने माहिती काढा आणि मला कळवा; ‘मातोश्री’वरील हायव्होल्टेज बैठकीत उद्धव ठाकरेंचा एक प्रश्न, म्हणाले नंतर घोळ व्हायला नको…
2019 साली विधानसभा निवडणूक लढवताना शेकापच्या नेत्यांनी दिलेला शब्द पाळला नाही म्हणून केणी यांनी शेकापला सोडचिठ्ठी दिली होती. परंतु पनवेल महापालिकेत पालिकेचे सभागृह नेते आमदारबंधू परेश ठाकूर यांच्याशी केणी यांचे फारसे पटले नाही. 2024 साली झालेल्या निवडणूकीत केणी यांची राजकीय ताकद असलेल्या प्रभाग क्रमांक 1 आणि 2 मधील भाजपाला स्पष्ट नाकारले. तुलनेने अनेक पटीने मते आमदार ठाकूर यांच्या विरोधात गेली. या सगळ्यांचा विचार करून केणी यांनी अखेर भाजप सोडण्याचा निर्णय घेतला. केणी यांनी समर्थक नगरसेवकांसोबत पक्ष सोडण्याची तयारी केल्यामुळे भाजपने त्यांना थांबविण्याचा प्रयत्न केला.
Prakash Mahajan : मी असलो-नसलो तरी पक्षावर परिणाम नाही; प्रकाश महाजनांची मनसेला सोडचिठ्ठी, एकच वाईट वाटतं की अमित ठाकरेंना…

ठाकूर अंधारात

नेत्यांचे कान कोणी भरले की नेते स्पष्टीकरण मागायचे. नेत्यांपुढे उभे राहून आपली बाजू मांडायची या प्रकाराला कंटाळलेल्या हरेश केणी यांनी आमदार प्रशांत ठाकूर यांना राजीनाम्याविषयी माहिती दिलेली नाही. पनवेल तालुका उत्तर मंडल अध्यक्ष या नामधारी अध्यक्षाकडे त्यांनी सदस्यत्वाचा राजीनामा दिला आहे. वैचारिक मतभेद आणि वैयक्तिक कारण पुढे केलेला दोन ओळींचा राजीनामा जिल्हाध्यक्षांना माहितीस्तव त्यांनी सादर केला आहे.