शनिवारी बार्शी न्यायालयात हजर केलं होतं

9 सप्टेंबर रोजी गोविंद बर्गे यांनी स्वतःच्या डोक्यात गोळी घालून आत्महत्या केली होती. गोविंद बर्गे यांना दबावात आणल्यामुळे आत्महत्या केल्याप्रकरणी पूजा गायकवाड हिला वैराग पोलिसांनी अटक केली होती. गोविंद बर्गे आत्महत्या प्रकरणी पूजा गायकवाडची पोलीस कोठडी आज 13 सप्टेंबर रोजी शनिवारी संपली होती. त्यामुळे पुन्हा तिला बार्शी न्यायालयात हजर करण्यात आलं होतं
OBC Leaders Vs Maratha : ‘करो या मरो…’ मराठा जीआरविरोधात ओबीसी आक्रमक, 10 ऑक्टोबरला नागपुरात महामोर्चा; वडेट्टीवारांचा सरकारवर वार

बार्शी न्यायालयात काय घडलं?

वैराग पोलिसांना पूजा गायकवाडने अजून एक खरेदी-विक्रीचा दस्त सांगितला आहे, तो मिळवण्यासाठी पोलीस कोठडी मिळावी, अशी मागणी कोर्टाकडे केली. ज्या दिवशी गोविंद बर्गे यांनी आत्महत्या केली. त्या दिवशी बर्गे यांनी पूजाला फोन केले होते. त्या दोघांचे कॉल डिटेल्स आणि चॅटिंग यातून काय काय तपास होऊ शकतो, या संदर्भात युक्तिवाद करण्यात आला होता. पूजा गायकवाडचे बँक खाते आहे, त्याच्या तपासणीसाठी यातून आर्थिक व्यवहार उघड होतील, असा युक्तिवाद सरकारी वकिलांनी केला. बँक स्टेटमेंटवरून पूजा आणि गोविंद बर्गे यांच्यात झालेल्या आर्थिक व्यवहारांची तपासणी केली जाणार. पूजा गायकवाड हिने अजून गोविंद बर्गेसारखं कुणाला फसवलं आहे का? याचाही तपास पोलीस करणार आहेत. गोविंद बर्गे यांनी गोळी झाडून ज्या पिस्तुलीनं आत्महत्या केली, ते पिस्तूल गोविंद बर्गेची नसल्याचं देखील समोर आलं आहे. ती पिस्तुल कोणाची आहे, याचा पोलिस तपास करत आहेत.

Pune Crime: पुण्यात IT कंपनीसमोर तरुणावर कोयत्याने हल्ला; सत्य समोर आल्यावर पोलीसही चक्रावले, CCTV मध्ये काय दिसलं?

दोन दिवसांच्या पोलीस कोठडीत नवी खुलासे होणार?

पूजा गायकवाडला बार्शी कोर्टाने दोन दिवसाची वाढीव पोलीस कोठडी दिली आहे. त्यामुळे पोलीस आता पूजाने किती संपत्ती जमवली? बर्गे यांच्याशी फोनवर काय बोलली? चॅट काय होतं? याची तपासणी करणार आहेत. दोन दिवसात पूजाच्या बँक खात्याशी निगडित आणखी नवे खुलासे समोर येणार आहेत.