‘म्हाडा’च्या घरांसाठी नागरिकांना ३१ ऑक्टोबरपर्यंत अर्ज करता येईल. मात्र, अर्जदारांना आता त्यांच्या जोडीदाराचे आधारकार्ड, पॅनकार्ड हे डिजिलॉकर वरून प्राप्त करण्याची अट लागू केली आहे. त्यासाठी अर्जदारास डिजिलॉकरवर नोंदणी करणे सक्तीचे करण्यात आले आहे.
Ajit Pawar: अष्टविनायक मंदिरांची कामे दर्जेदार व्हावीत; अजित पवार यांच्या अधिकाऱ्यांना सूचना
‘म्हाडा’च्या सोडतीमध्ये पुणे, सोलापूर, कोल्हापूर आणि सांगली जिल्ह्यांतील सदनिकांचाही समावेश करण्यात आला आहे. यंदा सोडतीच्या संगणक प्रणालीच्या पारदर्शकतेत आणखी भर घालण्यात आली आहे, अशी माहिती ‘म्हाडा’च्या पुणे विभागाचे सभापती शिवाजीराव आढळराव पाटील यांनी दिली. या वेळी ‘म्हाडा’चे मुख्य अधिकारी राहुल साकोरे आदी उपस्थित होते. म्हाडाच्या घरांच्या सोडतीसाठी ऑनलाइन अर्ज भरण्यासाठी अर्जदारांनी प्रथम https://housing.mhada.gov.in या वेबसाइटला भेट द्यावी. प्रथम येणाऱ्यास प्राधान्य तत्त्वावरील योजनांच्या सदनिकांसाठी www.bookmayhome.mhada. तसेच gov.in lottery.mhada.gov.in या वेबसाइटवर भेट द्यावी, असे आवाहन साकोरे यांनी केले आहे.
Pune Crime : पुण्यात नात्याला काळिमा फासणारी घटना, नराधम बापाकडून पोटच्या मुलीवर अत्याचार; असा समोर आला संतापजनक प्रकार
कशी उपलब्ध होतील घरे

• प्रथम येणाऱ्यास प्रथम प्राधान्य योजनेतील सदनिकांची संख्या : १, ६८३
• म्हाडा पीएमएवाय योजनेतील सदनिका : २९९
• १५ आणि २० टक्के योजनेतील सदनिकांची एकूण संख्या : ४,१८६
• पुणे महानगरपालिका हद्दीतील सदनिका : १५३८
• पिंपरी-चिंचवड महापालिका हद्दीतील सदनिका : १५३४
• पीएमआरडीए हद्दीतील सदनिका : १११४
• एकूण सदनिका : ६,१६८

Pune Sassoon Hospital : पुण्यातील ‘ससून’मध्ये चतुर्थ श्रेणी कर्मचाऱ्यांची पदभरती, कोणती पदे भरणार? एकट्या पुणे जिल्ह्यातूनच…
कशी असेल सोडत ?

• ऑनलाइन अर्जासाठी नोंदणीची मुदत ३१ ऑक्टोबर
• सोडतीसाठी अर्जाची प्रारूप यादी प्रसिद्धः ११ नोव्हेंबर
• दावे, हरकती दाखल करण्याचा अंतिम मुदतः १३ नोव्हेंबर
• सोडतीसाठी अर्जाची अंतिम यादी प्रसिद्ध १७ नोव्हेंबर
• सोडत ः २१ नोव्हेंबर