नुकतीच पुण्यातील कोंढवा परिसरात एका जन्मदात्या बापाकडून आपल्या अल्पवयीन मुलीवर अत्याचार केल्याची घटना ताजी असतानाच पुण्यातील सहकार नगर परिसरात नात्याला काळीमा फासणारी धक्कादायक घटना समोर आली आहे. एका महिलेकडे तिच्या सासऱ्याने शरीर संबंध ठेवण्याची मागणी केल्याची संतापजनक घटना पुण्यातील सहकारनगर परिसरात घडली आहे. यात सर्वात धक्कदायक बाब म्हणजे ही मागणी करणारा इसम माजी पोलीस अधिकारी आहे.
Jalgaon News: चार महिन्यांपूर्वी लग्न, बर्थडेच्या दुसऱ्याच दिवशी नवविवाहितेने आयुष्य संपवलं, मयुरीच्या निर्णयाने पालक शोकसागरात
या प्रकरणात पीडित महिलेचा पती गौरव जयसिंग तांबे (वय 35), सासू श्रद्धा जयसिंग तांबे (56 वय) आणि सासरे जयसिंग तांबे (वय 61) यांच्या विरोधात सहकार नगर पोलीस ठाण्यात गुन्हा दाखल करण्यात आला आहे. पीडित महिला हिचा विवाह आरोपी पती गौरव तांबे यांच्यासोबत पाच महिन्यांपूर्वी झाला होता. विवाहनंतर पीडिता आणि तिचा पती हनिमूनसाठी महाबळेश्वरला गेले होते. मात्र, त्या ठिकाणी पीडितेच्या पतीने तिच्यासोबत शरीर संबंध ठेवण्यास नकार दिला.

पीडितिने दिलेल्या तक्रारीनुसार, तिचा पती गौरव तांबे हा नपुंसक आहे. त्यामुळे पती गौरव तांबे आणि सासू श्रद्धा तांबे यांनी तुला मूल हवं असेल तर सासऱ्यांसोबत शरीरसंबंध ठेव असा दबाव आणला. सासरऱ्यासोबत शरीरसंबंध ठेवण्यासाठी पतीकडून आणि सासूकडून आपल्यावर वारंवार दबाव आणला जात असल्याचा आरोप पीडितेने तक्रारीत केला आहे.

एकीकडे पती आणि सासूचा हा त्रास सुरू असताना सासरे जयसिंग पवार 10 सप्टेंबरच्या रात्री पीडितेच्या घरी आले, त्यांनी तिच्यावर जबरदस्तीने शरीरसंबंध ठेवण्याची मागणी करत अत्याचार करण्याचा प्रयत्न केला. अखेर हा सगळा त्रास असह्य झाल्यानंतर पीडितेने पोलिस ठाणे गाठत पती, सासू आणि सासऱ्याविरोधात गुन्हा नोंदवला आहे. या घटनेचा पुढील तपास सहकारनगर पोलीस करत आहेत.