अशीच एक घटना जळगाव शहरात सुंदर मोती नगरमध्ये घडली. जळगावात मयुरी ठोसर नावाच्या या नवविवाहित महिलेनं सासरच्या जाचाला कंटाळून आत्महत्या केल्याची घटना काल बुधवारी रात्री नऊ वाजेच्या सुमारास घडली. मयुरीच्या आईने जिल्हा ग्रामीण रुग्णालयात मृतदेह बघितल्यानंतर एकच टाहो फोडला. ‘मुलाकडच्यांना लहान नाही तर मोठा हॉल पाहिजे होता. लग्नात जेवायला गुलाबजाम हवा होता. आम्ही आत्तापर्यंत त्यांना 10 लाख रुपये दिले’, असं मयुरीची आई रडताना सांगत होती. आईचं रडणं बघून उपस्थितांचे देखील डोळे पाणावले.

मोठी बातमी! राज्य सरकारकडून लाडकी बहीण योजनेबाबत हायकोर्टात महत्त्वाची माहिती

मयुरी ठोसर हिचा विवाह जळगाव शहरातील सुंदर मोती नगरमध्ये राहणारा गौरव ठोसर याच्याशी 10 मे रोजी झाला होता. मयुरी ठोसरचं माहेर बुलढाणा जिल्ह्यातील पडाळी तिथेच या दोघांचा विवाह संपन्न झाला. काही दिवस संसार सुखाने चालला, पण थोड्यादिवसांनी मयुरीला त्रास देण्यास सुरुवात झाली. हा त्रास असह्य झाल्यानं मयुरीनं काल दुपारी आपल्या बहिणीला फोन केला. त्यानंतर तिने आपलं आयुष्य कायमचं संपवलं. आपल्या लेकीनं आत्महत्या केल्याचं जेव्हा आई-बापाला समजलं तेव्हा त्यांचं मन सुन्न झालं. जिल्हा ग्रामीण रुग्णालयात जेव्हा मयुरीच्या आईने लेकीचा मृतदेह पाहिला, तेव्हा तिने टाहो फोडला. मयुरीची आई रडताना सांगत होती की, ‘लग्नामध्ये लहान हॉल नको, मोठा हॉल पाहिजे, म्हणून ही मागणी आम्ही पूर्ण केली. ‘माझी मुलगी एकदम हुशार होती. ती असं पाऊल उचलू शकत नाही’, असंही मयुरीची आई आकांत करत सांगत होती.

Kolhapur News : भाविकांसाठी मोठी बातमी! कोल्हापुरातील बाळूमामा मंदिर 4 दिवस बंद, कारण काय?

‘मयुरीची सासू गोड बोलणारी होती. तिने गोड बोलून बोलून आमच्याकडून 10 लाख रुपये उकळले. माझी मुलगी खूप हुशार होती, शाळेत तिचा नेहमी एक नंबर यायचा. माझ्या मुलीसोबत जे घडलं, ते दुसऱ्या कुठल्याही मुलीसोबत घडू नये’, असा आरोपही मयुरीच्या आईने केला आहे.