मुख्यमंत्री माझी लाडकी बहीण योजनेच्या ऑगस्ट महिन्याच्या आर्थिक लाभाच्या वितरणासाठी 344.30 कोटी रुपयांचा निधी महिला व बाल विकास विभागाला देण्यासाठी मान्यता देण्यात येत असल्याचे शासन निर्णयात म्हटले आहे. महायुती सरकारने 2024च्या विधानसभा निवडणुकीपूर्वी माझी लाडकी बहीण योजना सुरु केली होती. ही योजना महायुती सरकारला पुन्हा सत्तेत आणण्यासाठी गेमचेंचर ठरली. लाडकी बहीण योजनेच्या शासन निर्णयानुसार लाडक्या बहिणींना दरमहा 1500 रुपये दिले जातात. तर, पीएम किसान सन्मान निधी आणि नमो शेतकरी महासन्मान निधी योजनेच्या लाभार्थी शेतकरी महिलांना दरमहा 500 रुपये दिले जातात. ही योजना सुरु झाल्यापासून आतापर्यंत 13 हप्ते पात्र महिलांच्या खात्यात टाकण्यात आले आहेत.

एकनाथ शिंदे अ‍ॅक्शन मोडवर, BMC निवडणुकीआधी मास्टरप्लॅन, राज-उद्धव ठाकरे यांना भारी पडणार?

लाडकी बहीण योजनेच्या लाभाचे वितरण करण्यासाठी सामाजिक न्याय विभाग आणि आदिवासी विकास विभागाकडून महिला व बाल विकास विभागाला रक्कम देण्यात येते. त्याप्रमाणेच सामाजिक न्याय विभागाने मुख्यमंत्री माझी लाडकी बहीण योजनेच्या हफ्ते वितरणासाठी 344.30 कोटी रुपयांचा निधी देण्यात आला आहे. त्यामुळे आता लवकरच राज्य सरकारकडून किंवा महिला व बाल विकास विभागाकडून मुख्यमंत्री माझी लाडकी बहीण योजनेच्या ऑगस्टच्या हफ्ता वितरणाची तारीख आणि सविस्तर माहिती मिळणार असल्याची माहिती समोर आली आहे.

ज्याला माकड उड्या मारायच्यात त्याला…; कुणबी प्रमाणपत्र वाटप सुरू होताच विजयसिंह पंडितांचा हल्लाबोल

दरम्यान, एकीकडे मुख्यमंत्री माझी लाडकी बहीण योजनेच्या ऑगस्ट महिन्याची प्रतीक्षा लाडक्या बहिणी करत असल्या तरी दुसरीकडे महिला व बाल विकास विभागाकडून माहिती व तंत्रज्ञान विभागाकडून मिळालेल्या माहितीच्या आधारे 26 लाख महिलांची चौकशी केली जाणार आहे.