Eknath Shinde News : एकनाथ शिंदे यांच्या शिवसेनेकडून मुख्य कार्यकारी समिती जाहीर करण्यात आली आहे. आगामी मुंबई महापालिका निवडणुकीच्या पार्श्वभूमीवर ही मुख्य कार्यकारी समिती जाहीर करण्यात आलीय.
उद्धव ठाकरे यांची हीच ताकद कमकुवत करण्यासाठी आता उपमुख्यमंत्री एकनाथ शिंदे यांच्या नेतृत्वातील शिवसेना कामाला लागली आहे. कारण आगामी काळात मुंबई महापालिका निवडणुकीत उद्धव ठाकरे यांचा पराभव केला तर शिंदेंसाठी तो फार मोठा विजय असेल. त्यासाठी त्यांनी महत्त्वाचं पाऊल उचललं आहे.
एकनाथ शिंदे यांनी आगामी मुंबई महापालिका निवडणुकीसाठी आपल्या शिलेदारांना कामाला लावलं आहे. या निवडणुकीत सर्वाधिक जागांवर विजय मिळावा यासाठी एकनाथ शिंदे यांनी आपल्या पक्षाच्या नेत्यांना जबाबदारी दिली आहे. यासाठी 21 प्रमुख नेत्यांची समिती स्थापन करण्यात आली आहे. या समितीला मुख्य कार्यकारी समिती असं नाव देण्यात आलं आहे. शिंदेंच्या शिवसेनेकडून 21 प्रमुख नेत्यांची मुख्य कार्यकारी समिती आज जाहीर करण्यात आली आहे.
आगामी काळात मनसे अध्यक्ष राज ठाकरे आणि शिवसेना उबाठा प्रमुख उद्धव ठाकरे हे एकत्र येण्याच्या तयारीत आहेत. त्यामुळे या दोन्ही भावांची युती झाली तर मुंबई महापालिका निवडणुकीत दोन्ही भावांचा एकत्रित सामना करणं हे एकनाथ शिंदे यांना भारी पडू शकतं. विशेष म्हणजे भाजपला देखील मुंबई महापालिकेत सत्ता हवी आहे. यासाठी भाजपकडूनदेखील मोर्चेबांधणी सुरु आहे. शिंदेंची शिवसेना आणि भाजप मित्रपक्ष असले तरी त्यांच्यात एक अघोषित अशी स्पर्धा असणार आहेच. पण त्यापेक्षा जास्त ठाकरे बंधूंचं आव्हान दोन्ही पक्षांना असणार आहे. यामुळे एकनाथ शिंदे आतापासूनच कामाला लागले आहेत.
शिवसेनेची मुख्य कार्यकारी समितीमधील नेत्यांची नावे :
- एकनाथ शिंदे, मुख्य नेते
- रामदास कदम, नेते
- गजानन कीर्तीकर, नेते
- आनंदराव अडसूळ, नेते
- मीनाताई कांबळे, नेत्या
- डॉ. श्रीकांत शिंदे, खासदार
- रवींद्र वायकर, खासदार
- मिलिंद देवरा, राज्यसभा – खासदार
- राहुल शेवाळे, माजी खासदार
- संजय निरुपम, माजी खासदार
- प्रकाश सुर्वे, आमदार
- अशोक पाटील, आमदार
- मुरजी पटेल, आमदार
- दिलीप लांडे, आमदार
- तुकाराम काते, आमदार
- मंगेश कुडाळकर, आमदार
- श्रीमती मनिषा कायंदे, विधान परिषद, आमदार
- सदा सरवणकर, माजी आमदार
- यामिनी जाधव, माजी आमदार
- दीपक सावंत, माजी आमदार
- शिशिर शिंदे, माजी आमदार
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा