काँग्रेसी नेत्यांनी उबाठाची मनसेशी होणारी संभाव्य युती, विधान परिषदेच्या विरोधी पक्षनेतेपदावरचा काँग्रेसचा दावा, उपराष्ट्रपतिपदाची निवडणूक या मुद्द्यांवर ठाकरे यांच्याशी चर्चा केली. गेल्या काही दिवसांपासून उबाठा आणि मनसे यांच्यातील राजकीय युतीबाबत जोरदार चर्चा सुरू आहे. महाविकास आघाडीत उद्धव ठाकरे यांची शिवसेना, काँग्रेस आणि शरदचंद्र पवार राष्ट्रवादी काँग्रेसचा समावेश आहे. त्यामुळे या महाविकास आघाडीमध्ये मनसे सारख्या पक्षाला समाविष्ट करायचे झाल्यास इतर दोन्ही घटक पक्षांशी चर्चा करावी लागणार आहे.
Rupali Thombre: ‘त्या’ पोलिस अधिकाऱ्यांना कोर्टात खेचू! राष्ट्रवादीच्या नेत्या रूपाली पाटील ठोंबरे यांचा इशारा
उद्धव ठाकरे यांना मनसेसोबत परस्पर युती करायची झाल्यास त्यांची महाविकास आघाडीमधील नेमकी भूमिका काय आहे, याचीही स्पष्टता आणावी लागणार आहे. या मुद्द्यांवर बैठकीत चर्चा झाल्याचे समजते. मनसेच्या समावेशाला काँग्रेसची मान्यता आहे किंवा कसे, याचा निर्णय दिल्लीत पक्षश्रेष्ठींशी बोलून घेतला जाईल, असेही काँग्रेसच्या नेत्यांनी सांगितल्याचे समजते. दरम्यान, विधान परिषदेच्या विरोधी पक्षनेते पदावर काँग्रेस दावा सांगणार असून सतेज पाटील यांची नियुक्ती केली जाण्याची शक्यता आहे.
मुख्यमंत्र्यांच्या ‘त्या’ जाहिरातीवरुन उलटसुलट चर्चा; पण एकनाथ शिंदे सारवासारव, म्हणाले…
आज मुख्यमंत्र्यांना भेटणार
काँग्रेसचे नेते आज, मंगळवारी विधान परिषदेच्या विरोधी पक्षनेतेपदासंदर्भात मुख्यमंत्री देवेंद्र फडणवीस यांची तसेच विधानसभेचे अध्यक्ष राहुल नार्वेकर यांची भेट घेणार आहेत. या भेटीत विधान परिषदेच्या विरोधी पक्षनेतेपदाचा निर्णय हिवाळी अधिवेशनापूर्वी घेण्याची मागणी काँग्रेसकडून करण्यात येणार आहे.