सकिना गफार शेख (वय ८९, मूळ रा. बागूल नगर, विहितगाव) असे मृत सासूचे नाव आहे. शवविच्छेदन अहवालात गळा दाबल्याने मृत्यू झाल्याचे निष्पन्न झाल्यावर संशयित शबाना अब्दुल अजीज शेख हिच्याविरुद्ध गुन्हा नोंदवून तिला अटक करण्यात आली.
नातवासाठी ७५ वर्षीय आजीबाईंचे संकटाशी दोन हात; बिबट्याने ठोकली धूम, नाशिकमधील थरार
काय घडलं नेमकं?
काही वर्षांपूर्वी अब्दुल अजीज यांचा विवाह शबानासोबत झाला आहे. अजीज हे लाँन्ड्री व्यवसाय करतात. त्यांची आई सकिना या वृद्धत्वामुळे आंथरुणाला खिळून होत्या. २ ऑगस्ट रोजी सकिना यांनी मुलगा रौफ याला खायचे पान आणण्यास सांगितले. त्यातून सासू-सुनेतील वाद विकोपाला गेला. शबाना हिने सकिना यांचा गळा आवळला. त्यानंतर शबाना व तिचा दीर रौफ यांनी त्यांना बिटको रुग्णालयात दाखल केले. तेथे उपचारादरम्यान सकिना यांचा मृत्यू झाला. न्यायालयाने शबाना हिला १० सप्टेंबरपर्यंत पोलिस कोठडी सुनावली आहे.
Nashik Leopard Attack: थरारक! बहिणीसोबत लपंडाव, पण बिबट्याने जिंकला डाव, दहा वर्षीय सारंगचा हल्ल्यात मृत्यू, घटनेनं हळहळ
बनाव झाला उघड
‘सकीना घरात असताना खाली पडल्या व त्या बेशुद्ध झाल्या’, हे पाहताच त्यांना बिटकाे रुग्णालयात दाखल केल्याचे शबाना हिने पाेलिसांना व डाॅक्टरांना सांगितले हाेते. बिटकाे रुग्णालयात उपचारादरम्यान त्यांचा मृत्यू झाला. जिल्हा रुग्णालयात सकिना यांचे शवविच्छेदन करण्यात आले. गळा आवळून श्वास गुदमरल्याने त्यांचा मृत्यू झाल्याचा अहवाल वैद्यकीय अधिकाऱ्यांनी दिला. त्यामुळे पाेलिसांनी खुनाचा गुन्हा नाेंदविला आणि शबानाला ताब्यात घेऊन चाैकशी केल्याने तिने खून केल्याची कबुली दिली.