आयुष गणेश कोमकर (वय १८) असे मृताचे नाव आहे. त्याची आई कल्याणी गणेश कोमकर (३७, दोघे रा. लक्ष्मी कॉम्प्लेक्स, भवानी पेठ) यांनी समर्थ पोलिसांत तक्रार दिली आहे. त्यानुसार, सूर्यकांत ऊर्फ बंडू राणोजी आंदेकर (६८), कृष्णा ऊर्फ कृष्णराज सूर्यकांत आंदेकर (४०), शिवम ऊर्फ शुभम उदयकांत आंदेकर (३१), तुषार निलंजय वाडेकर (२६), स्वराज निलंजय वाडेकर (२२), अभिषेक उदयकांत आंदेकर (२१), वृंदावनी निलंजय वाडेकर (४०), शिवराज उदयकांत आंदेकर (२९), लक्ष्मी उदयकांत आंदेकर (६०), अमन युसूफ पठाण ऊर्फ खान, यश सिद्धेश्वर पाटील, अमित प्रकाश पाटोळे (१९) सूजल राहुल मेरगु (२३, सर्व रा. नाना पेठ) यांच्याविरोधात गुन्हा दाखल करण्यात आला आहे.
Ratnagiri Crime : भक्ती मयेकर खून प्रकरणात ट्विस्ट, बारमध्ये मोबाईल सापडला, आरोपी दुर्वासचा बाप दर्शन पाटीलही ताब्यात
आरोपी यश आणि अमित यांना रविवारी दुपारी न्यायालयात हजर करण्यात आले. त्यांना प्रथमवर्ग न्यायदंडाधिकारी प्राजक्ता आपटे यांनी १२ सप्टेंबरपर्यंत पोलिस कोठडी सुनावली. ॲड. प्रशांत पवार व ॲड. मिथुन चव्हाण यांनी आरोपींची बाजू मांडली. तक्रारदार प्रत्यक्षदर्शी साक्षीदार नाहीत. आंदेकर व कोमकर कुटुंबात वाद असून, वनराज आंदेकर खून प्रकरणातील सर्व आरोपी न्यायालयीन कोठडीत आहेत. आंदेकरांची राजकीय कारकीर्द उद्ध्वस्त करण्याचा हा प्रयत्न आहे, असा बचाव त्यांनी केला.

इमारतीतील सीसीटीव्ही चित्रीकरण पोलिसांनी कल्याणी कोमकर यांना दाखविले. त्या वेळी त्यांनी पठाण आणि पाटील यांना ओळखले. हे दोघे आंदेकर टोळीसाठी काम करतात, असे त्यांनी पोलिसांना सांगितले. आरोपी अमन आणि यश यांनी आयुषवर गोळीबार करीत ‘इथे फक्त बंडू आंदेकर व कृष्णा आंदेकरच’ असे म्हणून दहशत माजविल्याचे निष्पन्न झाले. घटनेनंतर नागरिकांमध्ये भीतीचे वातावरण असल्याने आरोपींवर फौजदारी कायद्यातील दुरुस्तीच्या कलम सातनुसार कलमवाढ करण्यात आली.
Pune Crime : वनराजच्या अंत्यविधीला शस्त्रपूजन करत बदला घेण्याची शपथ, आंदेकर-कोमकर टोळीयुद्धात नातवाचा बळी, काय काय घडलं?
‘वनराज आंदेकरच्या खुनाचा सूड घेण्यासाठी सर्व आरोपींनी कट रचून हा गुन्हा केला. अमन पठाण आणि यश पाटील याने आयुषवर गोळीबार करून त्याचा निर्घृण खून केला, या वेळी घटनास्थळी अमित पाटोळे, सूजल मेरगु हजर होते. घटनास्थळी १२ पुंगळ्या आणि एक अर्धवट पुंगळी सापडली असून, मृतदेहात नऊ गोळ्या आढळल्या आहेत. तपास करायचा असून, आरोपींना पोलिस कोठडी द्यावी,’ अशी मागणी तपास अधिकारी निरीक्षक चेतन मोरे आणि सरकारी वकील दिलीप गायकवाड यांनी केली.