गुरुवारी सकाळी संशयित चंद्रकांत केदारी शेळके (73, रा. मोहिते मळा, देवकर पाणंद, कोल्हापूर) हे पोवार यांच्या घरी आले होते. दोघांत नेहमीप्रमाणे चेष्टा-मस्करी सुरू होती. गप्पांच्या ओघात जुने काही संदर्भ निघाले आणि अचानक त्यांच्यात वाद वाढला. त्यातच पोवार यांनी आईबद्दल आपमानकारक शब्द उच्चारल्याने शेळके यांचा संताप अनावर झाला. रागाच्या भरात त्यांनी घरातच असलेला धारदार चाकू उचलला आणि पोवार यांच्या गळ्यावर वार केला. गंभीर रक्तस्त्रावाने पोवार तात्काळ कोसळले आणि त्यांचा जागीच मृत्यू झाला.
खळबळजनक! कळवणच्या आश्रमशाळेतील 51 विद्यार्थिनींची तब्येत बिघडली, विषबाधा झाल्याचा संशय
हल्ल्यानंतर घाबरलेल्या अवस्थेत शेळके घरातून बाहेर पडले. पळून जाताना विद्युत वायर खेचली गेली किंवा देव्हाऱ्यातील समई कोसळली, यामुळे घरात आग लागल्याचा अंदाज पोलिसांनी व्यक्त केला आहे. काही मिनिटांतच घरातून धुराचे लोट बाहेर पडू लागले. शेजाऱ्यांनी धाव घेऊन पाणी टाकून आग विझवली. मात्र धुराचे लोट ओसरल्यानंतर नागरिकांना नजरेस पडलेले दृश्य पाहून धक्काच बसला. स्वतःच्याच घरात मोहन पोवार हे मृत अवस्थेत रक्ताच्या थारोळ्यात पडले होते.

या घटनेची माहिती मिळताच तातडीने जुना राजवाडा पोलिसांनी घटनास्थळी भेट दिली. शहर पोलीस उपअधीक्षक प्रिया पाटील, निरीक्षक संजीव झाडे, करवीरचे निरीक्षक किशोर शिंदे, स्थानिक गुन्हे अन्वेषण शाखेचे निरीक्षक रवींद्र कळमकर आणि उपनिरीक्षक संतोष गळवे यांनी घटनास्थळी धाव घेऊन पंचनामा केला. सुरुवातीला मृत्यू आत्महत्या की खून याबाबत पोलिसांनाही संभ्रम होता. मात्र सकाळी साडेदहा वाजण्याच्या सुमारास पोवार यांच्या घराकडे जाणारी व्यक्ती परिसरातील सीसीटीव्ही फुटेजमध्ये आढळली. यावरून पोलिसांनी अवघ्या चार तासांत संशयित शेळके याला शोधून अटक केली आहे. पोलिस चौकशीत त्यांनी गुन्ह्याची कबुली दिली आहे.
अजित पवार यांचा सर्वात मोठा गौप्यस्फोट, 25 लाखांचा घोटाळा झाल्याचा आरोप

मुलगा कामावर गेला असताना घडली घटना

मृत पोवार यांची पत्नी पाच वर्षांपूर्वी निधन पावली होती. ते मुलगा पुष्कराज पोवार (वय 31) याच्यासोबत राहत होते. पुष्कराज हा शहरातील महाविद्यालयात नोकरीस असून गुरुवारी सकाळी तो कामावर गेला होता. घरात पोवार एकटे असतानाच मित्राने त्यांचा जीव घेतला. या घटनेची नोंद जुना राजवाडा पोलिस ठाण्यात करण्यात आली आहे.

दरम्यान पोवार आणि शेळके यांची जवळपास 45 वर्षांची ओळख आणि मित्रत्व होते. एकत्र शिक्षण, एकत्र गप्पा, एकमेकांच्या सुख-दुःखातील सहभाग होता, किरकोळ वादामुळे मैत्रीचा शेवट अशा रक्तरंजित पद्धतीने झाला. या घटनेने परिसरातील नागरिकांमध्ये हळहळ व्यक्त होत असून जिवलग मैत्रीही रागाच्या भरात जीवघेणी ठरू शकते, अशी खंत व्यक्त होत आहे.