तिकीट खिडकीवर रांग लावून तिकीट काढण्याच्या त्रासापासून प्रवाशांची सुटका व्हावी, या हेतूने रेल्वे प्रशासनाने सन २०१६मध्ये यूटीएस ॲप सुरू केले. याचा प्रसार व्हावा, यासाठी तीन टक्के रक्कम परताव्याची सवलतही देण्यात आली. स्थानकाबाहेरून एका क्लिकवर आणि फलाटावर स्थानकातील विशिष्ट क्यूआर कोड स्कॅन करून तिकीट उपलब्ध होत असल्याने प्रवाशांमध्येही समाधानाचे वातावरण होते. मात्र, या सेवेचा गैरवापर वाढू लागला.
Devendra Fadnavis: ओबीसीला धक्का नाही; मराठा आरक्षण सरसकट नसल्याचे मुख्यमंत्र्यांचे स्पष्टीकरण, काय म्हणाले?
अनेक जण तिकीट तपासनीस दिसल्यानंतर क्यूआर कोड स्कॅन करून तिकीट काढू लागले. मध्य आणि पश्चिम रेल्वेवरील सर्व रेल्वे स्थानकांतील क्यूआर कोडची संपूर्ण यादी इंटरनेटवर उपलब्ध आहे. अनेक संकेतस्थळांवरही ही यादी आहे. त्यामुळे रेल्वे प्रशासनाला आर्थिक फटका बसतो.

या सर्व पार्श्वभूमीवर क्यूआर कोड स्कॅन करून होणारी तिकीटविक्री बंद करण्याबाबत मध्य रेल्वेने जुलै महिन्यात रेल्वे मंडळाला पत्र लिहिले. त्यास मंजुरी मिळाल्याने गुरुवारपासून ही सेवा बंद करण्यात आली. क्यूआर कोड स्कॅन केल्यावर प्रवाशांच्या यूटीएस अॅपमध्ये सेवा बंद असल्याचा संदेश झळकत आहे, असे मध्य रेल्वेतील अधिकाऱ्यांनी सांगितले. पश्चिम रेल्वेने यापूर्वीच सर्व रेल्वे स्थानकांतील क्यूआर कोड स्कॅन करून होणारी तिकीटविक्री बंद केली आहे.
अजित पवारांची महिला पोलिस अधिकाऱ्यांवर ‘दादा’गिरी? व्हायरल VIDEOवरुन विरोधकांचा आरोप
डायनॅमिकचा पर्याय?
स्थानकातील तिकीट खिडकी परिसरात डिजिटल स्क्रीन बसवून बदलणारे (डायनॅमिक) क्यूआर कोड कार्यान्वित करण्याबाबत रेल्वे प्रशासनाकडून हालचाली सुरू आहेत. त्यासाठी सर्व रेल्वे स्थानकांवर सर्वप्रथम स्क्रीन उभारावी लागणार आहे. ही व्यवस्था सुरू होईपर्यंत क्यूआर कोड स्कॅन करून होणारी तिकीटविक्री बंदच राहील, असेही रेल्वे अधिकाऱ्यांनी स्पष्ट केले. रेल्वे स्थानकात असताना तिकीट खरेदीसाठी तिकीट खिडकी, एटीव्हीएम, जेटीबीएस असे पर्याय उपलब्ध आहेत.