Chhatrapati Sambhajinagar News : डेंटल फिल्म आणि ट्रान्सपोर्ट व्यवसायात गुंतवणुकीवर महिन्याला १३ टक्के परताव्याचे आमिष दाखवून ठकसेनने मोठी फसवणूक केली. लाखो रुपये घेऊन तो फरार झाला होता. पोलिसांनी त्याला नाशिकमध्ये वेशांतर करून टॅक्सी चालवताना अटक केली. आरोपीविरुद्ध गुन्हा दाखल करण्यात आला आहे.
विशाल गणेश चौधरी वय ३२ असे अटक करण्यात आलेल्या आरोपीचे नाव आहे. तर एडवोकेट गुडेपेल्ली ज्ञानेश नागेश राहणार अलिलाबाद असे तक्रारदाराचे नाव आहे. पोलिसांच्या माहितीनुसार, गुडेपेल्ली नागेश यांचा मामेभाऊ राजन पेंटम व त्याचा मित्र अभिजीत नानेकर यांच्याच ओळखीतून नागेश यांची विशाल चौधरी याच्याशी ओळख झाली होती. यावेळी चौधरीने गुडेपेल्ली यांना त्याच्या डेंटल फिल्म सप्लाय व ट्रान्सपोर्ट व्यवसायात गुंतवणूक केल्यास १३ टक्के परतावा मिळेल, असे आमिष दाखवले. त्यामुळे नागेश यांनी ८.४० लाख रुपये त्याला दिले. या व्यवहाराचा करार केला. मात्र महिनाभरातच चौधरीने प्रतिसाद देणे बंद केले. प्रतिसाद मिळत नसल्याने नागेश यांनी आंध्रप्रदेश मध्ये तक्रार केली.
गुन्हा दाखल झाल्यानंतर आरोपी विशाल चौधरी पसार झाला होता. पोलिसांनी शोध घेऊन तो हाती लागला नाही. विशाल चौधरी पुण्यात शिफ्ट झाल्याचे पोलिसांना समजले. तिकडे दाढी केस वाढवून त्याने वेशांतर केलं होतं. त्यानंतर त्याने एका टॅक्सी कंपनीत चालक म्हणून काम सुरू केलं होतं. याची कुणकुण पोलिसांना लागताच पोलिसांनी त्याला बेड्या ठोकल्या आहेत.
लेखकाबद्दलविमल पाटीलविमल पाटील, महाराष्ट्र टाइम्समधून वेब पत्रकारितेला सुरुवात केली, गेले एक वर्ष कन्सलटन्ट म्हणून काम करत आहे. डिजिटल पत्रकारितेत वृत्त संकलन, सोशल मीडियाचे व्यवस्थापन आणि फिल्ड रिपोर्टिंगचा अनुभव आहे. याआधी त्यांनी आर. एन. ओ. वृत्तसंस्थेसाठी फिल्ड रिपोर्टर म्हणून कार्य करत असताना विविध सामाजिक, राजकीय व स्थानिक विषयांवर रिपोर्टिंग केले आहे. तसेच, त्यांनी सामना आणि लयभारी या माध्यमांमध्ये सोशल मीडिया हँडलर म्हणूनही काम पाहिले आहे. त्या मुंबई विद्यापीठाच्या पत्रकारिता विभागातून पत्रकारितेची पदव्युत्तर प्राप्त आहे.… आणखी वाचा