अमित गंगाधर शेंडगे, रा. पारगाव, जि. सोलापूर, असे गुन्हा दाखल झालेल्या तरुणाचे नाव असून, पीडित तरुणीने खराडी पोलिस ठाण्यात तक्रार दिली आहे.

नेमका प्रकार काय?

पोलिसांनी दिलेल्या माहितीनुसार, पीडित तरुणी आणि आरोपी यांची ओळख गेल्या वर्षी सप्टेंबर महिन्यात एका मॅट्रिमोनी वेबसाइटवर झाली. विवाहाचे आमिष दाखवून शेंडगेने तरुणीला विश्वासात घेतले. त्यानंतर तो पुण्यात आला आणि तरुणीची भेट घेऊन तिला एका हॉटेलमध्ये नेले. तेथे त्याने तिच्यावर बलात्कार केला आणि मोबाइलमध्ये छायाचित्रे काढली.

यानंतर शेंडगेने छायाचित्रे तरुणीचे नातेवाईक व समाज माध्यमांवर प्रसारित करण्याची धमकी देऊन तरुणीकडून दोन लाख रुपये उकळले.
पीडित तरुणीने विवाहाबाबत विचारणा केली असता आरोपीने ‘विषारी औषध पिऊन आत्महत्या करीन आणि तुझे व तुझ्या कुटुंबीयांचे नाव चिठ्ठीत लिहीन,’ अशी धमकी दिली.

सहा वर्षीय बालकावर तरुणाचा अत्याचार

दुसरीकडे, सहा वर्षीय बालकावर नात्यातीलच अठरा वर्षीय तरुणाने लैंगिक अत्याचार केल्याची घटना नाशिक जिल्ह्यातील नांदगाव तालुक्यातील परधाडी येथे घडली. या प्रकरणी नांदगाव पोलिस ठाण्यात रविवारी गुन्हा दाखल झाला असून, न्यायालयाने संशयितास 14 दिवसांची पोलिस कोठडी सुनावण्यात आली आहे.
Crime News : 13 वर्षीय मुलाला रात्री रस्त्यात अडवलं, धमकावत शेडमध्ये अनैसर्गिक अत्याचार, छत्रपती संभाजीनगरात खळबळ
परधाडी येथे सहा वर्षीय बालकावर घराजवळ राहणाऱ्या राज बागूल या 18 वर्षीय युवकाने अनैसर्गिक लैंगिक अत्याचार केल्याची फिर्याद पीडित मुलाच्या वडिलांनी पोलिस ठाण्यात दाखल केली. गुन्हा दाखल केल्यास मुलीवरही बलात्कार करील अशी धमकी संशयिताने दिल्याचे पीडित मुलाच्या वडिलांनी फिर्यादीत म्हटले आहे.
Akola Crime : माझे मिस्टर घरी नाहीयेत, दुपारी या! 52 वर्षीय ज्वेलरला लताने घरी बोलावलं, एवढ्यात नवरा पोहोचला अन्…
नांदगाव पोलिसांनी संशयित बागूल याला अटक केली असून न्यायालयाने 14 दिवसांची पोलिस कोठडी सुनावली. सहाय्यक पोलिस निरीक्षक सुनील बढे पुढील तपास करीत आहेत. या घटनेने परिसरात खळबळ उडाली आहे.