बारकीबाई वळवी गंभीर आजारी पडल्याने त्यांना बांबूची झोळी करून रुग्णालयात न्यावे लागले. मात्र, मुसळधार पाऊस, चिखलाने माखलेले कच्चे रस्ते व नदीनाले ओलांडून हातबारी ते खर्डी असा तब्बल पाच तासांचा प्रवास करावा लागला. खर्डी येथे आल्यानंतर या महिलेला खासगी वाहनाने तळोदा येथील रुग्णालयात दाखल करण्यात आले.
Nandurbar News : महाराष्ट्रातलं धगधगतं वास्तव! गरोदर महिलेला वेदना, रस्ताअभावी बांबूच्या झोळीने सात किमी प्रवास; रस्त्यातच प्रसुती
रुग्णालयात पोहोचवल्याने नातेवाइकांनी सुटकेचा निश्वास सोडला. मात्र, महिलेची प्रकृती चिंताजनक झाली. त्यामुळे त्यांना दुसऱ्या रुग्णालयात हलविले. मात्र, उशीर झाल्याने नातेवाइकांचे शर्थीचे प्रयत्न विफल ठरले आणि महिलेने प्राण सोडला. सातपुड्यातील दुर्गम भागात रस्त्यांविना अनेक नागरिकांना अशा जीवघेण्या प्रसंगांना वारंवार सामोरे जावे लागत आहे. मात्र, अद्याप या भागातील नागरिकांचे मूलभूत प्रश्न सुटलेले नाहीत.
मृत्यूनंतरही थांबेनात मरणयातना! पुलाअभावी दोरीच्या साह्याने बॉडी नदीपार नेण्याची वेळ, महाराष्ट्रातलं धगधगतं वास्तव
अर्जफाटे करूनही समस्या जैसे थे
तळोदा तालुक्यातील सावरपाडा ग्रुप ग्रामपंचायतीअंतर्गत येत असलेले घोडमाग, टाकळी, बोरवान, रावलापानी, हातबारी या गावपाड्यांना जोडणारा रस्ता हा नदीमार्गातून डोंगर दरीतून खडतर दगडगोट्यांतून जातो. ग्रामस्थांना आरोग्य, शैक्षणिक व शासकीय कामे अशा अनेक दैनंदिन गरजा पूर्ण करण्यासाठी जीव धोक्यात घालून प्रवास तळोदा शहर गाठावे लागते. पूलबांधणी व रस्ते डांबरीकरणासाठी प्रस्ताव, अर्ज देऊनसुद्धा ही गंभीर समस्या सुटली नसल्याचे ग्रामस्थांनी सांगितले.

माझ्या मामीची अचानक तब्येत बिघडली. त्यामुळे त्यांना तत्काळ रुग्णालयात न्यायचे होते. मात्र, रस्ता नसल्याने बांबूच्या झोळीतून न्यावे लागले. पावसाचा जोर जास्त असल्याने चालणेही अवघड होते. रुग्णालयात दाखल केल्यानंतर डॉक्टरांनी सांगितले, की खूप उशीर झाला आहे.-दिलीप पटले, नातेवाईक